Міхась Башура

	Міхась Башура
	Міхась Віктаравіч Башура
Асабістыя зьвесткі
Нарадзіўся	25 чэрвеня 1975 (49 гадоў); вёска Амговічы, Слуцкі раён, Менская вобласьць, Беларуская ССР, СССР
Літаратурная дзейнасьць
Род дзейнасьці	Журналіст, рэдактар, пісьменнік, выдавец
Гады творчасьці	З 1994-га
Жанр	Паэзія
Мова	Беларуская
Дэбют	1994 (часопіс «Першацьвет»)

Міха́сь Вíктаравіч Башу́ра (нар. 25 чэрвеня 1975, в. Амговічы Слуцкага раёну) — беларускі пісьменьнік.

Жыцьцяпіс

Скончыў з залатым мэдалём школу (1992), з адзнакай аддзяленьне беларускай мовы і літаратуры філялягічнага факультэту БДУ (1997). Падчас вучобы ва ўнівэрсытэце прымаў удзел у выступах тэатру-студыі «Летуценьнік», працаваў у школе настаўнікам беларускай літаратуры, у часопісах «Першацьвет» і «Беларусь», у газэце «Культура», супрацоўнічаў са «Строительной газетой» і «Столичными новостями». Пасьля заканчэньня ўнівэрсытэту працягнуў працу ў газэце «Культура».

З 1998 супольна з Паўлам Лоскутавым выпускаў часопіс «Виртуальный мир» і газэту «Капитал», працаваў у рэклямным агенцтве. У 2000—2007 галоўны рэдактар часопісу «Электроника». У 2007 годзе сумесна зь пісьменьнікам Зьмітром Вішнёвым заснаваў выдавецтва «Галіяфы». Удзельнік руху «Бум-Бам-Літ». Сябра Саюзу беларускіх пісьменьнікаў і Беларускага ПЭН-цэнтру.

Цяпер працуе галоўным рэдактарам выдавецтва “Паперус”, якое зьяўляецца часткай культурніцкай пляцоўкі «Беларуская Прастора».

Творчасьць

Пісаць вершы пачаў яшчэ ў школе. Дэбютаваў у 1994 (часопіс «Першацьвет»). Вершы друкаваліся ў часопісах «Першацьвет», «Крыніца», газэтах «Культура», «Беларуская маладзёжная», «Понедельник», «Наша Ніва».

У 1996 выдаў друкапіс «Сьнег у сьне, ці Сьнежны сон. Сон у сьнезе, ці Сьнежны сон». Аўтар кніг «Паліваньне на мух (са шланга)» (2002), «Думкі — гэта не гульня» (2010).

Крыніцы і заўвагі

Вонкавыя спасылкі

Біяграфія на бачыне Саюзу беларускіх пісьменьнікаў
Кніга «Паліваньне на мух»(недаступная спасылка)
Кніга «Думкі — гэта не гульня»(недаступная спасылка)