Мікіта Рэмезаў
Мікі́та Рэ́мезаў (нар. 28 ліпеня 1990 году) — беларускі і расейскі хакеіст, нападнік «Нёману».
| Мікіта Рэмезаў | ||
|---|---|---|
| Рост | 173 см | |
| Грамадзянства | ||
| Дата нараджэньня | 28 ліпеня 1990 (33 гады) | |
| Месца нараджэньня | ||
| Клюб | Нёман | |
| Выступаў за | ||
| Гульнявая кар’ера | 2008 — цяпер | |
Кар’ера рэдагаваць
Клюбная рэдагаваць
Рэмезаў паходзіць з Варонежу, дзе пачаў навучацца хакею. Пэўны час хлопцам правёў у Маскве, але ў веку 15 гадоў пераехаў у гарадзенскі «Нёман». Дэбютаваў у складзе гарадзенцаў у сэзоне 2008—2009 гадоў. У той жа сэзон абараняў колеры бабруйскага «Шыньніка» ў чэмпіянаце Беларусі. Пасьля два гады ў «Нёмане» далучыўся да «Ліды», дзе стаў адным з найлепшым бамбардзірам рэгулярнага сэзону. У міжсэзоньне хакеіст атрымаў прапановы ад салігорскага «Шахцёра» і жлобінскага «Мэталюрга»[1], абраўшы апошні з памянёных клюбаў[2]. У Жлобіне спартовец правёў толькі сэзон, пасьля чаго сышоў з клюбу, які ў той час меў фінансавыя цяжкасьці[3]. Наступныя два гады гуляў у расейскай Вышэйшай хакейнай лізе, зьмяніўшы чатыры клюбы. Улетку 2016 году вярнуўся ў «Нёман», зь якім двойчы запар стаў чэмпіёнам краіны. Паводле вынікаў рэгулярнага сэзону 2019—2020 гадоў Рэмезаў быў улучаны ў сымбалічную зборную Экстралігі А. Пасьля сэзон згуляў у складзе «Шахцёра», але адразу вярнуўся ў Горадню. У сэзоне 2022—2023 гадоў быў абраны найлепшым хакеістам сэзону[4].
Міжнародная рэдагаваць
У 2018 годзе дэбютаваў у складзе нацыянальнай зборнай Беларусі, закінуўшы шайбу ў браму зборнай Швайцарыі. Перад чэмпіянатам сьвету атрымаў пашкоджаньне, прапусьціўшы першынство.
Дасягненьні рэдагаваць
«Нёман»:
- Чэмпіён Беларусі: 2017, 2018
Крыніцы рэдагаваць
- ^ «ОЧБ: Одним из лучших бомбардиров регулярного сезона интересуются Солигорск и Жлобин». Беларускі хакей.
- ^ «Никита Ремезов: «Лида» предлагала свой контракт, но я остановился на „Металлурге“. Беларускі хакей.
- ^ «Никита Ремезов: Не платят ни оклады, ни премиальные — вообще ничего». Беларускі хакей.
- ^ «Никита Ремезов — лучший хоккеист сезона-2022/23 Betera-Экстралиги». Беларускі хакей.
Вонкавыя спасылкі рэдагаваць
- Старонка на Elite Prospects.