Мэтрапалітэн Мэхіка
Мэтрапалітэн Мэхіка (па-гішпанску: Sistema de Transporte Colectivo Metro / STC Metro) — сетка мэтрапалітэну ў Мэхіка, другі мэтрапалітэн Паўночнай Амэрыкі па перавозе пасажыраў штогод (каля 1,8 мільярду пасажыраў). Адкрыты 4 верасьня 1969 году.
| Мэтрапалітэн Мэхіка | |
 | |
 | |
| Інфармацыя | |
|---|---|
| Месцазнаходжаньне | Мэхіка, Мэксыка |
| Пачатак працы | 4 верасьня 1969 |
| Лініі |
12 лініяў Даўжыня: 226 км |
| Колькасьць станцыяў | 195 |
| Пасажырапаток на дзень | 7,6 млн. (2012) |
| Пасажырапаток на год | 1623 млн (2015) |
| Схема мэтрапалітэну | |
 | |
Сёньня складаецца з 12 лініяў агульнай даўжынёй у 226 кілямэтраў і 195 станцыяў, зь якіх 115 знаходзяцца пад зямлёй, 54 — наземныя ды 26 — надземныя. У Мэхіка выкарыстоўваюцца цягнікі з гумавымі шынамі, якія дапамагаюць значна паменшыць гучнасьць цягнікоў і вібрацыю ад іх, што ва ўмовах тэктанічнай актыўнасьці каля Мэхіка вельмі мэтазгодна. З-за апошняга ў мэтро Мэхіка выкарыстоўваюцца асаблівыя будаўнічыя прыёмы, якія дапамагаюць добра супрацьстаяць землятрусам. Напрыклад, падчас землятрусу ў 1985, калі некалькі будынкаў былі зруйнаваны, сетка мэтро амаль не была пашкоджана.
Кошт праезду ў мэтро — 5 мэксыканскіх даляраў (38 амэрыканскіх цэнтаў).