Мэмфіс Дэпай
Мэ́мфіс Дэпа́й (па-нідэрляндзку: Memphis Depay; нарадзіўся 13 лютага 1994 году, Моордрэхт, Нідэрлянды) — нідэрляндзкі футбаліст, нападнік бразыльскага клюбу «Карынтыянс» і нацыянальнай зборнай Нідэрляндаў. Добра вядомы дзякуючы сваёй здольнасьці на далёкія стрэлы і дрыблінг.
| Мэмфіс Дэпай | ||
| ||
| Пэрсанальная інфармацыя | ||
|---|---|---|
| Нарадзіўся | 13 лютага 1994[1] (30 гадоў) | |
| Рост | 178 см[2] | |
| Вага | 78 кг[2] | |
| Пазыцыя | флянгавы паўабаронца, нападнік | |
| Клюбная інфармацыя | ||
| Клюб | Карынтыянс | |
| Нумар | 94 | |
| Клюбы | ||
| Гады | Клюб | Гульні (галы)¹ |
| 2012—2015 2015—2017 2017—2021 2021—2023 2023—2024 2024— |
ПСВ Эйндговэн Манчэстэр Юнайтэд Алімпік Ліён Барсэлёна Атлетыка Мадрыд Карынтыянс |
90 (39) 33 (2) 139 (63) 30 (13) 31 (9) 8 (4) |
| Зборныя | ||
| 2013— | Нідэрлянды | 98 (46) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьМэмфіс пачаў сваю кар’еру ў ПСВ, дзе пад уплывам трэнэра Філіпа Каку, стаў неад’емнай часткай калектыву, забіўшы 50 галоў у 124 гульнях ва ўсіх спаборніцтвах. У сэзоне 2014—2015 гадоў ён стаў лепшым бамбардзірам Эрэдывізіі з 22 галамі ў 30 гульнях і дапамог камандзе стаць чэмпіёнам краіны ўпершыню з 2008 году. Акрамя таго, Мэмфіс атрымаў трафэй Ёгана Круіфа як лепшы талент году. У траўні 2015 году Дэпай падпісаў кантракт з ангельскім «Манчэстэр Юнайтэд», паводле справаздачы брытанцы выклалі 25 млн фунтаў стэрлінгаў за маладога гульца. Агулам за Манчэстэр Мэмфіс Дэпай правёў 33 матчы, забіў два мячы і зрабіў адну перадачу. Сам заяўляў, што не адчуваў падтрымкі ў гэтай камандзе[3]. У студзені 2017 году перайшоў у «Ліён», кантракт быў разьлічаны да лета 2021 году, сума трансфэру склала 16 мільёнаў эўра і 9 мільёнаў бонусаў[4] (паводле іншых зьвестак, сума трансфэру 16,5 млн эўра[5]). Ён узяў гульнявы нумар 9[5]. Прызнаны найлепшым гульцом чэмпіянату Францыі красавіка 2018 году[6]. У сьнежні пад час матчу 18 туру чэмпіянату Францыі з «Рэнам» атрымаў пашкоджаньне левага калена[7] і вымушаны быў прыпыніць выступы за каманду[8]. У траўне 2020 году прэзыдэнт клюбу «Ліён» паведаміў, што Мэмфіс Дэпай хутчэй за ўсё сыдзе з каманды[9]. 19 чэрвеня 2021 году быў абвешчана, што «Барсэлёна» здолела без аніякай платы займець гульца, які склаў з каталёнцамі двухгадовую ўгоду[10]. Паводле словаў бабулі Дэпая, ён з 4 гадоў імкнуўся стаць гульцом «Барсэлёны»[11]. 9 верасьня 2024 году «Карынтыянс» абвесьціў аб падпісаньні з Дэпаем двухгадовага кантракту[12].
У складзе зборнай Нідэрляндаў выступае з 2013 году. Бронзавы прызэр чэмпіянату сьвету 2014 году. Некалькі разоў забіваў галы ў браму зборнай Беларусі: у адборачным матчы чэмпіянату сьвету 2018 году і ў адборачным матчы чэмпіянату Эўропы (два галы і дзьве перадачы)[13].
Дасягненьні
рэдагавацьПСВ Эйндговэн:
- Чэмпіён Нідэрляндаў: 2015
- Уладальнік Кубка Нідэрляндаў: 2012
- Уладальнік Супэркубка Нідэрляндаў: 2012
«Манчэстэр Юнайтэд»:
- Уладальнік Кубка Ангельшчыны: 2016
«Барсэлёна»:
- Уладальнік Супэркубка Гішпаніі: 2023
Крыніцы
рэдагаваць- ^ а б в Memphis Depay // Transfermarkt (мн.) — 2000.
- ^ а б в г https://www.atleticodemadrid.com/jugadores/memphis-depay-2023-2024?_gl=1*5ca4bu*_up*MQ..*_ga*MTkyNzI0OTk4Ny4xNzA3NDgxNTk0*_ga_K2ECMCJBFQ*MTcwNzQ4MTU5My4xLjAuMTcwNzQ4MTU5My4wLjAuMA..*_ga_3CXRLVL7G2*MTcwNzQ4MTU5My4xLjAuMTcwNzQ4MTU5My4wLjAuMA..*_ga_1E5LGRF83X*MTcwNzQ4MTU5My4xLjAuMTcwNzQ4MTU5My4wLjAuMA..*_ga_SQ24F7Q7YW*MTcwNzQ4MTU5My4xLjAuMTcwNzQ4MTU5My4wLjAuMA..
- ^ Русаков, Д. (23 сакавіка 2016) Мемфис Депай не чувствует поддержки в «МЮ» (рас.). Footballhd.ru.
- ^ Депай подписал с «Лионом» контракт до 2021 года (рас.). Национальный спортивный телеканал (21 студзеня 2017).
- ^ а б Депай будет выступать за "Лион" под номером 9 (рас.). Спорт-Экспресс (20 студзеня 2017).
- ^ Депай — лучший игрок чемпионата Франции в апреле (рас.). SOCCER.RU (10 мая 2018).
- ^ Евро-2020 - Мемфис Депай порвал крестообразные связки и выбыл до конца сезона (рас.). OBOZREVATEL (16 сьнежня 2019).
- ^ Малкин, А. (15 сьенжня 2019) Мемфис Депай может пропустить остаток сезона (рас.). FootBoom.
- ^ Президент «Лиона» заявил, что Депай, скорее всего, покинет команду. (рас.). Спорт-Экспресс (10 мая 2020).
- ^ «Memphis Depay Barça's fourth signing». FC Barcelona.
- ^ «How troubled teen, Memphis Depay, became a Dutch icon». The Guardian.
- ^ «Memphis Depay é o novo atacante do Corinthians». Sport Club Corinthians Paulista.
- ^ Мемфис Депай и сборная Нидерландов покуражились над Беларусью (рас.). Football.ua (21 сакавіка 2019).
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball