Мурад I

Мурад I, таксама Мурад Праведны (1319 або 1326 — 15 чэрвеня 1389) — султан Асманскай імпэрыі з 1359 па 1389 гады.

Мурад I
Бэй і султан
Асабістыя зьвесткі
Нарадзіўся	29 чэрвеня 1326(1326-06-29), Бурса, Асманская імпэрыя
Памёр	28 чэрвеня 1389 (62 гады), Косава поле[d]
Пахаваны	Бурса
Нашчадкі	Баязід I, Саўджы Бэй[d] і Нэфісэ Хатун[d]
Дынастыя	дынастыя Асманаў[d]
Сужэнец	Гюлчычэк Хатун[d] і Кера Тамара[d]
Бацька	Архан I
Маці	Нілюфэр Хатун[d]
Подпіс

Жыцьцяпіс

Нарадзіўся ад шлюбу асманскага султана Архана І і бізантыйскай прынцэсы Хірафіры. Ступіў на пасад пасьля сьмерці бацькі ў 1359 годзе. Ён быў першым асманскім заваёўнікам на эўрапейскай зямлі. У 1362 па яго прыказу быў створаны першы корпус янычар (аснова асманскага войска).

Мурад захапіў заходнюю Тракію, усе гарады ў даліне ракі Морыца. Падпарадкаваў усю Малую Азію, акупіраваў Заходнюю Баўгарыю, зрабіў бізантыйскага імпэратара (Ян V Палеолёг) сваім васалам. Каля 1385 году, былі захоплены Сафія і Ніш. У той жа час права на гандаль на турэцкай тэрыторыі атрымліваюць Італьянскія Рэспублікі Генуя і Вэнэцыя, якія склалі з Мурадам гандлёвыя дамовы.

Султан Мурад, са сваімі сынамі, камандаваў войскам у бітве супраць Сэрбскай імпэрыі, на Косавым Полі. Падчас бою, султан Мурад быў забіты, але яго войска атрымала перамогу. Пахаваны, як і папярэднікі Асман I і Архан I у горадзе Бурсе. Падчас кіраваньня Мурада, усе падпарадкаваныя хрысьціяне мелі права захаваць сваю веру, традыцыі і царкоўныя суды.

Наступнікам пасада стаў яго сын Баязід I.

Вонкавыя спасылкі

Мурад I — сховішча мультымэдыйных матэрыялаў