Матэя Матэўскі

Матэя Матэўскі (па-македонску Матеја Матевски; 13 сакавіка 1929, Стамбул, Турэччына — 6 чэрвеня 2018, Скоп’е, Рэспубліка Македонія) — македонскі паэт, тэатразнаўца і перакладчык, акадэмік Македонскай акадэміі навук і мастацтваў.

Матэя Матэўскі
Асабістыя зьвесткі
Нарадзіўся	13 сакавіка 1929(1929-03-13) Стамбул, Турэччына
Памёр	6 чэрвеня 2018(2018-06-06) (89 гадоў) Скоп’е, Паўночная Македонія
Літаратурная дзейнасьць
Род дзейнасьці	мовазнавец, паэт, журналіст, літаратурны крытык, пісьменьнік, тэатральны крытык
Мова	македонская мова, гішпанская мова і француская мова
Узнагароды	Залаты вянок[d] (2011)

Скончыў філязофскі факультэт унівэрсытэту ў Скоп’і, працаваў рэдактарам на радыё, з 1967 году быў дырэктарам радыё і тэлевізіі ў Скоп’і.

Творчасьць

Сваім першым паэтычным зборнікам "Дажджы" Матэя Матэўскі запачаткаваў новую эпоху ў македонскай лірыцы, якая да гэтага часу намагалася вызваліцца ад правінцыйнай закамплексаванасьці, фальклёрнага эпігонства і вычарпанага набору паэтычных сродкаў.

Галоўным чынам у зборніку "Ліпа" адчуваецца ўплыў Ф.Г.Лоркі, творы якога Матэўскі перакладаў. Адным з асноўных сымбаляў у творчасьці Матэўскага зьяўляецца вада як стыхія жыцьця, трава як стыхія непаддайнасьці і дрэва, камень і корань як сымбалі трывалай лучнасьці з роднай зямлёй. Адной з асноўных тэмаў ягонай творчасьці зьяўляецца тэма вяртаньня ў сьвет дзяцінства, на радзіму, да прыроды. У вершах пераплятаецца рэфлексыйнасьць з мэдытатыўнасьцю, сюррэалістычныя мэтады і рамантыка.

Матэя Матэўскі займаецца таксама тэатральнай крытыкай.

Бібліяграфія

• Дождови (1956, "Дажджы")
• Рамноденица (1963, "Раўнадзенства")
• Перуника (1976, "Касач")
• Круг (1977, "Кола")
• Липа (1980, "Ліпа")
• Раѓање на трагедијата (1985, "Нараджэньне трагедыі")
• Внатрешен предел (2000, "Унутраны краявід")

Вонкавыя спасылкі

Матэя Матэўскі — сховішча мультымэдыйных матэрыялаў