Максім Лукашэвіч
Максім Лукашэвіч (нар. 28 сакавіка 1992 году) — колішні беларускі футбаліст, паўабаронца.
| Максім Лукашэвіч | ||
| Пэрсанальная інфармацыя | ||
|---|---|---|
| Нарадзіўся | 28 сакавіка 1992[1] (32 гады) | |
| Рост | 180 см | |
| Вага | 79 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2012 | Менск | 2 (0) |
| 2013 | Таўрас Таўрогі | 24 (3) |
| 2014 | Таўрас Таўрогі | 13 (10) |
| 2014 | Рэчыца-2014 | 10 (0) |
| 2015 | Шылуце[d] | 26 (21) |
| 2016—2017 | Паланга | 36 (24) |
| 2017 | Каралас Клайпеда[d] | 16 (14) |
| 2018—2019 | Нёман Горадня | 18 (0) |
| 2020 | Сьвіднік[d] | 0 (0) |
| 2020 | Смаргонь | 12 (1) |
| 2021 | Макслайн | 0 (0) |
| 2021 | Няптунас Клайпеда[d] | 12 (9) |
| Зборныя | ||
| 2012 | Беларусь (да 21) | 3 (0) |
Кар’ера
рэдагавацьКлюбная
рэдагавацьПачынаў займацца футболам у родным Койданаве, аднак ужо юнаком трапіў у футбольную школу «Зьмена» (пазьней «Менск»). З 2009 году выступаў за клюбны дубль. У 2012 годзе пачаў прыцягвацца да асноўнай каманды. Дэбютаваў у Найвышэйшай лізе 11 чэрвеня 2012 году ў матчы супраць гарадзенскага «Нёмана», выйшаўшы на замену ў другім тайме пры ліку 4:1, аднак пасьля гэтага сталічныя футбалісты прапусьцілі тры галы, і матч скончыўся ўнічыю 4:4. Пазьней згуляў яшчэ толькі адзін матч за асноўны склад. У другой палове 2012 году гуляў за фарм-клюб «Менск-2», пасьля чаго пакінуў «Менск».
У пачатку 2013 году перабраўся ў Летуву, стаўшы гульцом таўроскага «Таўрасу», які ачоліў беларускі адмысловец Аляксандар Бразевіч. Паводле вынікаў сэзону 2013 году «Таўрас» страціў месца ў А-лізе. У першай палове 2014 году гуляў за «Рэчыцу-2014» у беларускай Першай лізе пад кіраўніцтвам Бразевіча, пасьля чаго вярнуўся ў «Таўрас», за які выступаў ужо ў Першай лізе Летувы. У 2015—2017 працягваў выступаць у Першай лізе Летувы, гуляючы за «Шылуце» і «Палангу». Паводле вынікаў сэзону 2017 году «Паланга» перамагла ў другім дывізіёне і прабілася ў A-лігу, аднак Максім у сярэдзіне сэзону пакінуў каманду і стаў гульцом клайпедзкага «Караласа». За тры гады забіў у Першай лізе 59 галоў.
У студзені 2018 году прыбыў на прагляд у гарадзенскі «Нёман» і ў лютым падпісаў зь ім кантракт[2]. У першай палове сэзону 2018 году нярэдка выходзіў у пачатковым складзе, але пазьней пачаў радзей зьяўляцца на полі, выступаючы за дубль. У лістападзе 2018 году падоўжыў кантракт зь «Нёманам»[3]. У сэзоне 2019 году гуляў пераважна за дублюючы склад, зрэдку зьяўляючыся ў асноўнай камандзе. У сьнежні 2019 году па заканчэньні кантракту пакінуў «Нёман»[4]. У пачатку 2020 году праходзіў прагляд у «Віцебску», але беспасьпяхова. У сакавіку 2020 году стаў гульцом славацкага клюбу «Сьвіднік», аднак гэтак і не згуляў за яго. У ліпені 2020 году вярнуўся ў Беларусь, папоўніўшы склад «Смаргоні»[5], дзе рэгулярна зьяўляўся на полі.
У лютым 2021 году стаў гульцом рагачоўскага «Дняпра»[6], які хутка зьмяніў назву на «Макслайн», а ў чэрвені таго ж году зноў апынуўся ў Летуве, далучыўшыся да клайпедскага «Няптунаса»[7]. Выступаў у камандзе да канца сэзону 2021 году.
Міжнародная
рэдагавацьУ сакавіку 2009 году гуляў за зборную Беларусі (да 17 гадоў) ў элітным раўндзе чэмпіянату Эўропы. Улетку 2012 года выступаў за зборную Беларусі (да 20 гадоў).
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нёман | 2018 | Найвышэйшая ліга | 14 | 0 |
Крыніцы
рэдагаваць- ^ а б в г д https://www.fcneman.by/klub/zhelto-zelenye-lyudi/483.html
- ^ Максим Лукашевич стал игроком "Немана" (рас.)
- ^ "Неман" продлил контракт с Максимом Лукашевичем (рас.)
- ^ Максим Лукашевич покинул "Неман" (рас.)
- ^ Максим Лукашевич перешел в "Сморгонь" (рас.)
- ^ Максим Лукашевич перешел в рогачевский "Днепер" (рас.)
- ^ Максим Лукашевич перешел в литовский "Няптунас" (рас.)