Магілёўская транспартная пракуратура

Магілеўская транспартная пракуратура — дзяржаўная земская ўправа ў Магілеўскае вобласьці. Акруга дзейнасьці — Магілеўская вобласьць.

Магілеўская транспартная пракуратура
Даведка
Папярэднік	Магілеўская тр. пр-ра БССР
Дата ўтварэньня	27 ліпеня 1991 (33 гады таму)
Задача	1) перадача карных і грамадзянскіх справаў у суд, 2) удзел у судзе дзяржаўным абвінаваўцам
Сядзіба	212030 Беларусь, м. Магілеў, вул. Дабралюбава, 6
Дзейнічае ў месцах	Магілеўская вобласьць
Службовыя мовы	расейская беларуская
Пракурат	Ільлюшэнка Андрэй Валер'евіч
Управа	Пр-ра Магілеўскае в-сьці
Галоўная ўправа	Ген. пракуратура
Зьвязаныя службы	суд СК РБ міліцыя ДПК РБ КДБ РБ Адвакатура
Старонка ў сеціве	Старонка ў сеціве

Асноўны артыкул: Транспартная пракуратура

Вышэйшая ўстанова — Пракуратура Магілеўскае вобласьці.

Пракуратура знаходзіцца ў месцы: 212030 г. Магілеў, вул. Дабралюбава, 6.

Галава пракуратуры (па стане на 1 студзеня 2022 году) — транспартны пракурат Ільлюшэнка Андрэй Валер'евіч і мае званьне раднік юстыцыі.

Назва

Назва ўправы мае адрозьненьне ад правапісу:

Сьцяг	Правапіс	Назва
	Тарашкевіца	Магілеўская транспартная пракуратура
	Наркамаўка	Магілёўская транспартная пракуратура

Дзейнасьць

Транспартная пракуратура назірае за выкананьнем права на беларускае чыгунцы. Галоўныя веды аб правапарушэньнях бяруцца з транспартнае міліцыі (аддзел унутраных спраў на транспарце). Сьледзтва аб злачынствах вядзе мясцовы аддзел сьледчага камітэту Беларусі. Па асобных карных справах могуць весьці карную справу КДБ і ДПК, а потым перадаць пракуратуры для далейшае перадачы карнае справы ў суд.

Права

У адпаведнасьці з артыкулам 4 Закона Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З задачамі пракуратуры зьяўляюцца:

• забесьпячэньне вяршэнства права, законнасьці й правапарадку,
• абарона правоў і законных інтарэсаў грамадзян і грамадаў, а таксама грамадзкіх і дзяржаўных інтарэсаў.

У мэтах выкананьня гэтых задач пракуратура ажыцьцяўляе нагляд за:

• дакладным і аднастайным выкананьнем законаў, дэкрэтаў, указаў і іншых нарматыўных прававых актаў дзяржаўнымі органамі кіраваньня і іншымі дзяржаўнымі арганізацыямі, падпарадкаванымі Савету Міністраў Рэспублікі Беларусь, мясцовымі прадстаўнічымі, выканаўчымі і распарадчымі органамі, грамадзкімі абьяднаньнямі, рэлігійнымі арганізацыямі і іншымі арганізацыямі, службовымі асобамі і іншымі грамадзянамі, у тым ліку індывідуальнымі прадпрымальнікамі;
• выкананьнем заканадаўства пры ажыцьцяўленьні апэратыўна-вышуковае дзейнасьці;
• выкананьнем закона падчас дасудовае вытворчасьці, пры вытворчасьці папярэдняга сьледзтва і дазнаньні;
• адпаведнасьцю закону судовых пастаноў, а таксама за выкананьнем заканадаўства пры іх выкананьні;
• выкананьнем заканадаўства пры выкананьні пакараньня і іншых мер карнае адказнасьці, а таксама мер прымусовага характару.

Пракуратура павінна правіць праваахоўнаю дзейнасьцю дзяржаўных органаў, якія ажыцьцяўляюць барацьбу са злачыннасьцю і карупцыяю, а таксама дзейнасьць па барацьбе са злачыннасьцю іншых арганізацыяў, якія ўдзельнічаюць у барацьбе са злачыннасьцю, дзейнасьць па папярэджаньню правапарушэньняў. Пракуратура праводзіць папярэдняе сьледзтва ў выпадках, прадугледжаных Крымінальна-працэсуальным кодэксам Рэспублікі Беларусь.

Пракуроры прымаюць удзел у разглядзе судамі грамадзянскіх спраў, спраў, зьвязаных з ажыцьцяўленьнем прадпрымальніцкае і іншай гаспадарчае (эканамічнае) дзейнасьці, падтрымліваюць дзяржаўнае абвінавачаньне па карных справах, удзельнічаюць у адміністрацыйным працэсе.

Сьпіс законаў

Пракуратура дзейнічае ў адпаведнасьці з наступнымі законамі:

• Грамадзянска-працэсуальны кодэкс Рэспублікі Беларусь,
• Гаспадарча-працэсуальны кодэкс Рэспублікі Беларусь,
• Крымінальна-працэсуальны кодэкс Рэспублікі Беларусь,
• Працэсуальна-выканаўчы кодэкс Рэспублікі Беларусь аб адміністрацыйных правапарушэньнях.

Глядзіце таксама

• Выканаўчая ўлада Беларусі
• Выканаўчая ўлада Магілеўскае вобласьці

Вонкавыя спасылкі

• Старонка ў сеціве (бел.)