Ля касьцёла
Ля касьцёла ці Ля касьцёла. Нядзельны дзень[1] — карціна мастака Фэрдынанда Рушчыца, напісаная ў Багданаве ў 1899 годзе. Раней была адзінай ў Беларусі карцінай мастака. Захоўваецца ў Нацыянальным мастацкім музэі Рэспублікі Беларусь[2].
| Ля касьцёла | |
 | |
| па-польску: Koło kościoła | |
| Мастак | Фэрдынанд Рушчыц |
|---|---|
| Год | 1899 |
| Тып | палатно, алей |
| Месцазнаходжаньне | Нацыянальны мастацкі музэй Рэспублікі Беларусь, Менск |
Апісаньне
рэдагавацьМастак неаднаразова зьвяртаўся да тэмы мясцовага храма, адлюстроўваў яго з розных ракурсаў. Выдатны прыклад беларускага драўлянага дойлідзтва другой паловы XVII стагодзьдзя Касьцёл арханёла Міхаіла, які выяўлены на карціне, нажаль, да нашага часу не захаваўся — згарэў у часе Другой сусьветнай вайны. Мы маем магчымасьць бачыць яго, дзякуючы фатаздымкам сябра Рушчыца, Яна Булгака, а карціна дазваляе адчуць настрой вясновага цёплага дня, адчуць яднаньне зямлі, сьвятла, людзей, нябёсаў, гулкімі гукамі, якія ліюцца з палатна.[1]
Карціна выканана ў характэрным для Рушчыца стылі сымбалічнага пэйзажу: людзі ніколі не трапляюць у цэнтар глядацкай увагі, іх вобразы размытыя і падкрэсьлена безаблічныя — мастак прапаноўвае нам у кожным намаляваным ім чалавеку пазнаць сябе і стаць суўдзельнікам таго ці іншага яго твора.[2]
Яркі блакіт вясновага неба, палосы цёплых прамянёў сонца на драўляных збудаваньнях працяты асаблівым пранізьлівым каханьнем і лагодаю. Бачны бабінец старэнькага ўрослага ў зямлю касьцёла. У яго ўпаўзаюць пахілыя старэчыя фігуркі быццам чарада доўгіх дзесяцігодзьдзяў, што прайшлі перад яго позіркам; старыя паважна стаяць наводдаль. Гракі на голых галінках дрэў; экспрэсіўныя бела-ружовыя аблокі, надзвычайная блакітная пранізьлівасьць неба, а ўдалечыні — сінія ўзгоркі і невыказны сум.[2] На ажыўшай зямлі сьвята — ізноў вярнулася вясна і жыцьцё[1] .
Глядзіце таксама
рэдагавацьКрыніцы
рэдагаваць- ^ а б в Фердинанд Рущиц (1870 – 1936). К 140-летию со дня рождения художника (рас.). Нацыянальны мастацкі музей РБ. Праверана 2011-12-23 г.
- ^ а б в Барыс КРЭПАК Богданаўская “святыня думання” Фердынанда Рушчыца (бел.). «Культура». Праверана 2011-12-23 г.
Літаратура
рэдагаваць- Палікарпаў В. «Ля касцёла» // Дыялог. — 2000. — № 6. — С. 16-17.
Вонкавыя спасылкі
рэдагаваць- Тамара ГАБРУСЬ ПАД РУШЧЫЦАВЫМІ АБЛОКАМІ (бел.). «Наша вера». Праверана 2011-12-23 г.