Леанід Крупец

	Леанід Крупец
Надзвычайны і Паўнамоцны Амбасадар Рэспублікі Беларусь у Фэдэратыўнай Рэспубліцы Бразылія
	4 лютага 2011 — цяперашні час
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Папярэднік:	---
Наступнік:	---
Старшыня Менскага аблвыканкаму
	7 чэрвеня 2007 — 20 траўня 2010
Прэзыдэнт:	Аляксандар Лукашэнка
Асабістыя зьвесткі
Нарадзіўся:	18 лістапада 1956; в. Макашы, Нясьвіскі раён, Менская вобласьць, БССР
Адукацыя:	Расейскі ўнівэрсытэт дружбы народаў[d];
Узнагароды:	; Ганаровая грамата Нацыянальнага сходу Рэспублікі Беларусь[d] Ганаровая грамата Савету Міністраў Рэспублікі Беларусь

Леанід Фёдаравіч Крупец (нарадзіўся 18 лістапада 1956) — беларускі дзяржаўны дзяяч, старшыня Менскага аблвыканкаму (7 чэрвеня 2007 — 20 траўня 2010).

Бiяграфiя

Нарадзіўся ў 1956 годзе ў вёсцы Макашы Нясьвіскага раёну Менскай вобласьці. Працоўную дзейнасьць пачаў у 1975 годзе брыгадзірам паляводчай брыгады калгасу імя Дзяржынскага Нясьвіскага раёну. У 1975—1977 гадах служыў у Савецкім Войску. У 1983 годзе скончыў Унівэрсытэт Сяброўства народаў імя Патрыса Лумумбы ў Маскве. У 1983—1984 гадах працаваў малодшым навуковым супрацоўнікам Беларускага навукова-дасьледчага інстытуту абароны расьлінаў, у 1984—1985 — аграномам-тэхнолягам на Гарадзейскім цукровым камбінаце. У 1985—1986 гадах быў інструктарам Нясьвіскага райкаму КПБ, у 1986—1990 — загадчыкам арганізацыйнага аддзелу Нясьвіскага райкаму КПБ.

З 1990 па 1993 год працаваў намесьнікам старшыні Нясьвіскага раённага Савету дэпутатаў. У 1993—1998 гадах быў першым намесьнікам старшыні райвыканкаму, начальнікам кіраваньня сельскай гаспадаркі і харчаваньня Нясьвіскага райвыканкаму. У 1998 годзе быў прызначаны старшынём Нясьвіскага раённага выканаўчага камітэту. З 2002 да 2007 году займаў пасаду першага намесьніка старшыні Менскага аблвыканкаму. У 2007 годзе быў прызначаны памагатым прэзыдэнта Рэспублікі Беларусь — галоўным інспэктарам па Віцебскай вобласьці.

З 7 чэрвеня 2007 па 20 траўня 2010^[1] году — старшыня Менскага абласнога выканаўчага камітэту.

4 лютага 2011 году прызначаны Надзвычайным і Паўнамоцным Амбасадарам Рэспублікі Беларусь у Фэдэратыўнай Рэспубліцы Бразылія^[2].

Узнагароды

Узнагароджаны мэдалём «За працоўныя заслугі» (2004)

Крыніцы

^ УКАЗ ПРЕЗИДЕНТА РЕСПУБЛИКИ БЕЛАРУСЬ 20 мая 2010 г. № 256 «Об освобождении от должности Л.Ф.Крупца»(недаступная спасылка) (рас.)
^ Указ Президента Республики Беларусь от 4 февраля 2011 г. № 56 "О назначении Л.Ф.Крупца"(недаступная спасылка) (рас.)

Вонкавыя спасылкі

Профіль на праекце «Хто ёсьць хто ў РБ»(недаступная спасылка) (рас.)

[1] УКАЗ ПРЕЗИДЕНТА РЕСПУБЛИКИ БЕЛАРУСЬ 20 мая 2010 г. № 256 «Об освобождении от должности Л.Ф.Крупца»(недаступная спасылка) (рас.)

[2] Указ Президента Республики Беларусь от 4 февраля 2011 г. № 56 "О назначении Л.Ф.Крупца"(недаступная спасылка) (рас.)

[1]

[2]