Ланцужковая рыфма

Ланцужко́вая ры́фма — рыфма, якая спалучае радкі вершаванага твора, паступова пераходзячы з адной страфы ў другую. Такая рыфма сустракаецца ў некаторых цьвёрдых формах верша, у прыватнасьці, у тэрцынах, вілянэлі. Характэрная яна і для твораў з ланцужковай кампазыцыяй, у якіх асобныя радкі папярэдніх строфаў пачынаюць сабой наступныя строфы:

Ішла Купалка сялом, сялом,

Закрыўшы вочкі пяром, пяром.

Закрыўшы вочкі пяром, пяром,

Вітала хлопцаў чалом, чалом.

Вітала хлопцаў чалом, чалом,

Сьвятліла вочкі агнём, агнём.

(Народная песьня)

Ланцужковая рыфма ўжываецца і ў клясычным санэце, дзе яднае два катрэны і два тэрцэты.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4