Лава Агінскага (Менск)

Ла́ва Агі́нскага — помнік у гонар выдатнага кампазітара Рэчы Паспалітай Міхала Клеафаса Агінскага. Устаноўлены ў Менску побач з Катэдральным саборам Сьвятога Духу і пляцам Свабоды.

Лава выкананая з мэталу і стылізаваная пад герб роду Агінскіх, на якім сьвяты Георгі на белым кані забівае чорнага цмока. Унізе па-расейску разьмяшчаецца надпіс: «Выдающемуся сыну отечества — Огинскому Михаилу Клеофасу» (бел. Выбітнаму сыну Айчыны — Агінскаму Міхалу Клеафасу)^[1]. Лава, на якой можна паслухаць клясычную музыку, — падарунак месту ад грамадзкае фундацыі «Чыстае дзеяньне», зроблены да 250-рочча з дня нараджэньня Міхала Клеафаса Агінскага.

Падобныя музычныя інсталяцыі ёсьць у Вене і Варшаве^[2], там гучаць творы Моцарта і Шапэна.

Крыніцы

^ У цэнтры Менску зьявілася лава Агінскага // Наша Ніва, 1 жніўня 2015 г. Праверана 26 верасьня 2015 г.
^ Лора Нагапецян. На Нямізе зьявілася музычная лава, прысеўшы на якую можна паслухаць палянэз Агінскага (рас.) // Onliner.by, 2 жніўня 2015 г. Праверана 26 верасьня 2015 г.

Вонкавыя спасылкі

Першага жніўня адбудзецца адкрыцьцё мэмарыяльнай дошкі ў гонар 250-годзьдзя Агінскага // Рэгіянальная газэта

[1] У цэнтры Менску зьявілася лава Агінскага // Наша Ніва, 1 жніўня 2015 г. Праверана 26 верасьня 2015 г.

[2] Лора Нагапецян. На Нямізе зьявілася музычная лава, прысеўшы на якую можна паслухаць палянэз Агінскага (рас.) // Onliner.by, 2 жніўня 2015 г. Праверана 26 верасьня 2015 г.

[1]

[2]