Ксенія Сухінава
Ксенія Ўладзімераўна Сухінава (нарадзілася 26 жніўня 1987, Ніжнявартаўск, СССР) — пераможца конкурсу «Міс Расея» 2007 году, пераможца міжнароднага конкурсу «Міс Сьвету» ў 2008 годзе.
| Ксенія Сухінава | |
 Міс Сьвету-2008 | |
| Дата нараджэньня | 26 жніўня 1987 (37 гадоў) |
|---|---|
| Месца нараджэньня | Ніжнявартаўск |
| Рост | 178 см |
| Грудзі | 83 см |
| Стан | 60 см |
| Сьцёгны | 91 см |
| Колер валасоў | русыя |
| Вочы | блакітныя |
Біяграфія
рэдагавацьНарадзілася 26 жніўня 1987 году ў Ніжнявартаўску. У цяперашні час жыве ў Маскве. Вучылася ў Цюменскім дзяржаўным нафтагазавым унівэрсытэце. Пасьля яго сканчэньня Ксенія атрымае дыплём адмыслоўца ў вобласьці кіраваньня і інфарматыкі ў тэхнічных сыстэмах. У дзяцінстве сур’ёзна займалася спортам, захаплялася мастацкай гімнастыкай і бегам, а таксама мае першы разрад па біятлёне.[1] Бацькі Ксеніі працуюць у нафтавай галіне: бацька, Уладзімер Гаўрылавіч, — апэратар тэхналагічных усталёвак, маці, Натальля Аляксандраўна, працуе ў мэтралягічнай службе нафтасэрвіснага прадпрыемства[2].
Цюменская прыгажуня цяпер лічыцца ў першым складзе аднаго з вядучых мадэльных агенцтваў - Point.
Конкурсы прыгажосьці
рэдагавацьПачынальна з 14 сьнежня 2007 году, паводле абавязкаў конкурсу «Міс Расея», Ксенія прымае актыўны ўдзел у сацыяльных і дабрачынных мерапрыемствах. Яна прысутнічала на пункце пераліваньня крыві, дзе ўзнагароджвала ўдзельнікаў акцыі ў Дзень донара, падтрымлівала марш «Разам супраць рака грудзей», арганізаваны кампаніяй Avon, і іншыя праграмы. Раўналежна пераможца конкурсу «Міс Расея» ўзмоцнена займаецца ангельскай мовай, стылістыкай прамовы, спортам, удзельнічае ў модных паказах.
Ксенія заваявала тытул «Міс Сьвету — 2008» на 58-м міжнародным конкурсе прыгажосьці ў Яганэсбургу, які праходзіў 13 сьнежня 2008 году. Другое месца заняла «Міс Трынідад і Табага», трэцяе — «Міс Індыя». Акрамя таго, у пяцёрку фіналістак увайшлі «Міс Ангола» і «Міс ПАР». Сухінава — другая расейка, якая стала «Міс Сьвету». У 1992 годзе гэты конкурс выйграла Юлія Курачкіна з падмаскоўнай Шчэрбінкі. Яшчэ адна расейка, Аксана Фёдарава, заваявала тытул «Міс Сусьвет» у 2002 годзе.
21-летняя сыбірачка зьяўляецца ўладальніцай тытула «Міс Расея-2007», а таксама самой прыгожай дзяўчынай Цюмені. Гэтак жа выйгравала конкурсы «Міс Нафтагаз» і «Міс імідж — 2005».
Крыніцы
рэдагаваць- ^ Расейка стала «Міс Сьвету» (рас.)
- ^ ВАРТА ОнЛайн: Хто ў Расеі ўсіх мілей (рас.)
Вонкавыя спасылкі
рэдагаваць- Міс Сьвету афіцыйны сайт (анг.)
- Расейка Ксенія Сухінава стала «Міс Сьвету-2008» (рас.) // Комсомольская правда