Аксана Фёдарава

	Аксана Фёдарава
Дата нараджэньня	17 сьнежня 1977 (46 гадоў)
Месца нараджэньня	Пскоў, Расея
Рост	178 см
Грудзі	88 см
Стан	64 см
Сьцёгны	93 см
	www.oksana-fedorova.ru

Акса́на Гена́дзеўна Фёдарава (нарадзілася 17 сьнежня 1977, Пскоў, Расея) — расейская фотамадэль, тэлевядучая. Пераможца конкурсаў «Міс Расея» (2001) і «Міс Сусьвет» (2002).

Біяграфія

Аксана Фёдарава нарадзілася 17 сьнежня 1977 году ў Пскове. У 1997 годзе скончыла з залатым мэдалём Пскоўскую школу міліцыі. У тым жа годзе паступіла ў Санкт-Пецярбурскі ўнівэрсытэт МУС РФ на факультэт кіраўнікоў гарадзкіх і раённых органаў унутраных справаў. У 2000 годзе скончыла з адзнакай унівэрсытэт і прапрацавала некалькі месяцаў дазнаўцам у ЛАУС аэрапорта «Пулкава».

У 1999 годзе перамагла ў конкурсе «Міс Санкт-Пецярбург». У 2001 годзе стала пераможцай конкурсу «Міс Расея», у 2002 годзе — конкурсу «Міс Сусьвет», які праходзіў у Пуэрта-Рыка. Праз чатыры месяцы пазбаўленая званьня ў сувязі зь нежаданьнем выконваць абавязкі пераможцы. Званьне перайшло Жусьцін Пасэк з Панамы.

У 2002—2005 гадах прымала ўдзел у выбарчых кампаніях Расейскай партыі Жыцьця. З траўня 2006 году зьяўляецца партнэрам Дзіцячага фонду ААН (ЮНІСЭФ) у Расеі.

Вядучая праграмы для дзяцей «Дабранач, маляняты!» на расейскім тэлебачаньні. Здымалася ў тэлесэрыяле «Не нарадзіся прыгожай».

Нядаўна дэбютавала ў якасьці пісьменьніцы. Выдавецтва «Эксмо» выпусьціла першую кнігу Аксаны Фёдаравай «Формула стылю»: парады і рэкамэндацыі па пытаньнях прыгажосьці і стылю. Кніга ўтрымоўвае таксама аўтабіяграфічныя ўстаўкі і фатаграфіі з асабістага архіва Аксаны. У крамах зьявіцца ў сярэдзіне-канцы верасьня 2008. Таксама плянуецца яшчэ ня меней 2-х кніг па пытаньнях макіяжа, іміджу і іншага.

Маёр міліцыі^[2], кандыдат юрыдычных навук. Дактарант факультэта падрыхтоўкі навуковых і навукова-пэдагагічных кадраў Санкт-Пецярбурскага ўнівэрсытэту МУС. З 2007 году пражывае з мамай у Маскве.

Сям'я

Маці — Алена Аляксееўна. Бацька сышоў зь сям’і, калі Аксана была дзіцём. Пасталеўшы, Аксана спрабавала знайсьці бацьку, але ён ужо да таго часу памёр. Дзед па матчынай лініі — вайсковец у адстаўцы, памёр у 2007 годзе.

Папярэднік Дэніс Кіньёнэс	Міс Сусьвет 2002 (Пазбаўленая званьня)	Наступнік Хусьцін Пасэк

Крыніцы

Вонкавыя спасылкі

Аксана Фёдарава — сховішча мультымэдыйных матэрыялаў

Сайт Аксаны Фёдаравай (рас.)
Аксана Фёдарава: $150 тысячаў — мой самы вялікі ганарар (інтэрвію) // «Труд». — 2006. — № 232. — 14 декабря. — С. 1.— 04.09.2008.

[km.ru-1] а ^б ^в ^г http://www.km.ru/file/index.asp?data=18.09.2007+17:20:00&archive=on

[2] Оксана Федорова: $ 150 тысяч — мой самый большой гонорар // Труд. — № 232. — 2006. (рас.)

[1]

[2]