Царква ўзьвіжаньня Сьвятога Крыжа (Сухопаль)

Славутасьць
Царква ўзьвіжаньня Сьвятога Крыжа
Крыжаўзьвіжанская царква
Краіна	Беларусь
Вёска	Сухопаль
Каардынаты	52°39′26″ пн. ш. 24°10′20″ у. д.
Канфэсія	праваслаўе
Эпархія	Берасьцейская
Тып будынка	царква
Архітэктурны стыль	псэўдарускі
Дата заснаваньня	1903
Статус	ахоўваецца дзяржавай
Стан	дзейны
Царква ўзьвіжаньня Сьвятога Крыжа на мапе Беларусі Царква ўзьвіжаньня Сьвятога Крыжа
Царква ўзьвіжаньня Сьвятога Крыжа на Вікісховішчы

Царква́ ўзьві́жаньня Сьвято́га Крыжа́ — праваслаўная царква ў Сухопалі Берасьцейскае япархіі, збудаваная ў 1903 року. Помнік архітэктуры псэўдарускага стылю, ахоўваецца дзяржавай.

Мінуўшчына

Царква збудаваная на месцы старой драўлянае царквы, якая была заснаваная меркавана ў канцы XVII стагодзьдзя. Двойчы драўляны будынак згараў, а сучасны збудаваны з цэглы і асьвечаны 26 кастрычніка 1903.

Храм дзейнічаў бесьперапынна і за савецкім часам.

Архітэктура

Будынак у пляне мае чатырохчасткавую прадольна-восевую кампазыцыю, якую ўтвараюць трохярусная званіца, прастакутная сталоўка, кубападобны асноўны аб’ём і пяцігранная апсыда з бакавымі рызьніцамі. У сылюэце дамінуюць купалы-цыбуліны званіцы і васьміграннага барабану асноўнага аб’ёму. Уваходы ў выглядзе тамбураў аздобленыя кутнявымі лапаткамі, зубчастымі карнізамі, прастакутнымі панэлямі, аб’ёмы дэкараваныя прафіляванымі карнізамі, зубчастымі фрызамі, кутнявымі лапаткамі.

Царква — помнік архітэктуры псэўдарускага стылю.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000652

Царква ўзьвіжаньня Сьвятога Крыжа (Сухопаль) — сховішча мультымэдыйных матэрыялаў

• Царква Ўзвышэньня Сьвятога Крыжа, Radzima.org
• Фатаздымкі на «Глобусе Беларусі»
• Праваслаўе.by (рас.)