Крстэ Пэткаў Місіркаў
Крстэ Пэткаў Місіркаў (па-македонску: Крсте Петков Мисирков; 1874—1926) — македонскі філёляг, фальклярыст, публіцыст, гісторык, палітык, дыплямат і перакладчык, адна з найвыбітнейшых асоб македонскага нацыянальнага адраджэньня. Быў тыповым прадстаўніком македонскага сэпаратызму.
| Крстэ Пэткаў Місіркаў | |
 | |
| Асабістыя зьвесткі | |
|---|---|
| Нарадзіўся | 18 лістапада 1874[1] |
| Памёр | 26 чэрвеня 1926[2][3][4] (51 год) або 26 ліпеня 1926[5] (51 год) |
| Пахаваны | |
| Сужэнец | Q12279582? |
| Дзеці | Sergey Misirkov[d] |
| Літаратурная дзейнасьць | |
| Род дзейнасьці | гісторык, пісьменьнік |
| Мова | баўгарская і македонская мова[6] |
| Подпіс | 
|
Вучыўся ў Шабацы (Сэрбія), потым жыў у Сафіі (Баўгарыя). Вышэйшую адукацыю атрымаў у Расейскай імпэрыі, скончыў гістарычна-філялягічны факультэт у Петраградзе. Пасьля вяртаньня з Расеі з 1879 году працуе настаўнікам ў Бітале, пазьней зноў за мяжой — у Адэсе і Кішынёве. У гэты пэрыяд умацаваўся ў сваіх поглядах на македонскую культурную і нацыянальную самабытнасьць. Да інтэлектуальнага сталеньня К. П. Місіркава спрычыніліся таксама гады навучаньня ў грэцкіх школах, у Сэрбіі, Баўгарыі, Расеі, дзякуючы якім ён мог убачыць балканскія моўныя і сацыякультурныя пытаньні ў розных кантэкстах. Падчас навучаньня ў Расеі заснаваў студэнцкую суполку «Вардар», якая пазьней ператварылася ў навуковую і літаратурную Асацыяцыю Сьвятога Клімэнта і праіснавала з 1902 да 1905 году. За сваё жыцьцё К. П. Місіркаў напісаў больш за шэсцьдзясят прац, якія маюць вялізнае значэньне ў фармаваньні македонскай літаратурнай мовы. На базе трох рэфэратаў, якія былі падрыхтаваныя для паседжаньняў суполкі Сьвятога Клімэнта, узьнік ягоны найбуйнейшы твор «За македонцките работи» («Аб македонскім пытаньні»). У пяці разьдзелах кнігі К. П. Місіркаў разважае пра гісторыю мовы македонскіх славянаў, даводзіць іхняе права на самастойную літаратурную мову, канцэпцыю якой выкладае ў пятым разьдзеле. Такім чынам, К. П. Місіркаў быў першым, хто навукова падыйшоў да вызначэньня спэцыфічнасьці македонскага моўнага пытаньня.
К. П. Місіркаў падтрымліваў ідэю рэвалюцыйнай барацьбы за аўтаномную Македонію і ўхваляў шлях агульнамакедонскага паўстаньня. Кніга «Аб македонскім пытаньні» была выдадзеная ў 1903 годзе ў Сафіі, аднак неўзабаве амаль увесь наклад быў зьліквідаваны баўгарскімі ўладамі.
Крыніцы
рэдагаваць- ^ Bibliothèque nationale de France data.bnf.fr (фр.): плятформа адкрытых зьвестак — 2011.
- ^ https://journal.hass.tsukuba.ac.jp/interfaculty/article/view/12/28
- ^ а б http://makedonija.name/culture/krste-petkov-misirkov
- ^ http://feed.snapdo.com/?publisher=Minutes&dpid=network2&q=Krste_Petkov_Misirkov
- ^ нарматыўны кантроль Бібліятэкі Кангрэсу (анг.) — Library of Congress.
- ^ Misirkov, Krste Petkov, 1874-1926 // CONOR.SI
Вонкавыя спасылкі
рэдагаваць
Крстэ Пэткаў Місіркаў — сховішча мультымэдыйных матэрыялаў