Хрэшчацік (станцыя мэтро)

Хрэшчацік (па-ўкраінску: Хрещатик) — станцыя Кіеўскага мэтрапалітэну, разьмешчаная на Сьвятошынска-Броварскай лініі. Адкрытая 6 лістапада 1960 году.

Станцыя «Хрэшчацік»
Сьвятошынска-Броварская лінія
Кіеўскі мэтрапалітэн
Дата адкрыцьця	6 лістапада 1960
Тып	пілённая, глыбокага залажэньня
Тып плятформы	астраўная
Форма плятформы	простая
Архітэктары	А. В. Добравальскі, В. Д. Елізараў, Н. С. Коліміец, Г. І. Гранаткін, І. Л. Масьлякоў, С. І. Крушынскі, Ю. В. Кісьлічэнка, пры ўдзеле: Ф. М. Зарэмба і Н. М. Шчукінай
Выхад да вуліц	Крашчацік, Інстытуцкая, Арх. Гарадзецкага
Пераходы на станцыі	Майдан Незалежнасьці
Пачатак працы	5:40
Сканчэньне працы	0:12
Код станцыі	120

Зьяўляецца часткай перасадкавага вузла паміж Сьвятошынска-Броварскай і Абалонска-Церамкоўскай лініямі. Станцыя названая аднайменна з цэнтральнай вуліцай Кіева, на якой разьмяшчаецца адзін з выхадаў.

Канструкцыя

Станцыя глыбокага залажэньня. Мае тры падземныя залі — сярэдняя і дзьве залі з пасадкавымі плятформамі. Залі станцыі злучаныя паміж сабой побач праходамі-парталамі, якія чаргуюцца зь пілёнамі. Сярэдняя заля мае 2 выхады. Заходні выхад злучаны эскалатарным тунэлем з трохлентачным аднамаршавым эскалатарам з наземным вэстыбюлем на вуліцы Крашчацік. Усходні выхад злучаны эскалатарным тунэлем з трохлентачным аднамаршавым эскалатарам з прамежкавым вэстыбюлем, які разьвятляецца на 2 выхады: да вэстыбюля на вуліцы Архітэктара Гарадзецкага і да эскалатарнага тунэлю з трохлентачным аднамаршавым эскалатарам, які вядзе да наземнага вэстыбюля на вуліцы Інстытуцкай.

Вэстыбюлі

Станцыя мае 3 наземныя вэстыбюлі. Першы ўбудаваны ў дом № 19-А па вуліцы Крашчацік, другі таксама ўбудаваны ў дом № 13 па вуліцы Архітэктара Гарадзецкага, а трэці разьмешчаны па вуліцы Інстытуцкай, 6.

Побач з вэстыбюлем па вуліцы Крашчацік знаходзяцца Цэнтральны ўнівэрмаг і Кіеўская гарадзкая рада. Паблізу ад вэстыбюля па вуліцы Архітэктара Гарадзецкага знаходзяцца Пасаж, Украінскі драматычны тэатар імя Яна Франка, побач зь якім ёсьць усходы, якія вядуць да адміністрацыі Прэзыдэнта Ўкраіны і Дому з хімэрамі. Вэстыбюль па вуліцы Інстытуцкай разьмешчаны побач з гасьцініцай «Украіна», Міжнародным цэнтрам культуры і мастацтваў «Кастрычніцкі палац», Нацыянальным банкам Украіны, гандлёвым цэнтрам «Глёбус» на пляцы Незалежнасьці.

Перасадкі

У сярэдзіне залі станцыі разьмешчаныя 2 праходы, па якіх можна перайсьці на станцыю «Пляц Незалежнасьці». Адзін з праходаў злучаны з эскалатарным тунэлем з чатырохлентачным аднамаршавым эскалатарам і ў гадзіны пік працуе толькі ў адным кірунку — пераход магчымы са станцыі «Пляц Незалежнасьці» на «Крашчацік». Другі праход злучаны зь пешаходным тунэлем, па якім дазволены пераход толькі ў адным кірунку — са станцыі «Крашчацік» на «Пляц Незалежнасьці».

Фатаграфіі

• 
  Наземны вэстыбюль на вуліцы Крашчацік

Рэжым працы

Адкрыцьцё — 05:40, закрыцьцё — 00:12.

Адпраўленьне першага цягніка ў кірунку:

• ст. «Лясная» — 5:59
• ст. «Акадэммястэчка» — 5:51

Адпраўленьне апошняга цягніка ў кірунку:

• ст. «Лясная» — 0:27
• ст. «Акадэммястэчка» — 0:20

Расклад адпраўленьня цягнікоў у вячэрні час сутак (пасьля 22:00) у кірунку:

• ст. «Лясная» — 22:54, 23:06, 23:18, 23:30, 23:41, 23:53, 0:04, 0:15, 0:27
• ст. «Акадэммястэчка» — 22:27, 22:39, 22:51, 23:02, 23:12, 23:22, 23:32, 23:42, 23:55, 0:07, 0:20

Пераход на станцыю «Пляц Незалежнасьці» працуе з 5:44 да 0:29.

Вонкавыя спасылкі

Хрэшчацік (станцыя мэтро) — сховішча мультымэдыйных матэрыялаў

• Зьвесткі на афіцыйным сайце Кіеўскага мэтрапалітэну  (укр.)
• Старонка станцыі на неафіцыйным сайце Кіеўскага мэтрапалітэну
• Хрещатик (станція метро) на ВЕК  (укр.)

Лініі Кіеўскага мэтрапалітэну
.1.	Сьвятошынска-Броварская	.2.	Абалонска-Церамкоўская	.3.	Сырэцка-Пячэрская	.4.	Падольска-Выгураўская	.5.	Левабярэжная	.5.	Вышгарадзка-Дарніцкая