Кодзі Гакпа
Кодзі Га́кпа (па-нідэрляндзку: Cody Gakpo; нар. 7 траўня 1999 году) — нідэрляндзкі футбаліст, ўінгер ангельскага клюбу «Лівэрпул» і нацыянальнай зборнай Нідэрляндаў. Гакпа ёсьць выхаванцам акадэміі ПСВ, якую скончыў і дэбютаваў у прафэсійным футболе ў 2018 годзе. Ужо паводле вынікаў сэзону 2021—2022 гадоў гулец быў абраны Найлепшым нідэрляндзкім футбалістам.
| Кодзі Гакпа | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 7 траўня 1999[1] (25 гадоў) | |
| Рост | 193 см[2] | |
| Вага | 76 кг | |
| Пазыцыя | left winger, цэнтральны нападнік | |
| Клюбная інфармацыя | ||
| Клюб | Лівэрпул | |
| Нумар | 18 | |
| Клюбы | ||
| Гады | Клюб | Гульні (галы)¹ |
| 2018—2023 2023— |
ПСВ Эйндговэн Лівэрпул |
106 (36) 68 (16) |
| Зборныя | ||
| 2021— | Нідэрлянды | 36 (15) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьПСВ
рэдагавацьГакпа зьяўляецца выхаванцам клюбнае акадэміі ПСВ. У сэзоне 2016—2017 гадоў далучыўся да табару моладзевай дружыны клюбу, вядомай як «Ёнг ПСВ». Тамака і дэбютаваў у Эрстэдывізіі 4 лістапада 2016 году ў матчы супраць «Гэльманд Спорту». Зь цягам некалькіх гадоў зарэкамендаваў сябе і ў сэзоне 2018—2019 гадоў гадоўным трэнэрам ПСВ Маркам ван Бомэлем быў пераведзены ў шэрагі асноўнае каманды. Тым ня менш, адразу прабіцца ў склад у гульца не атрымалася і пэўны час ён ці сядзеў на лаве запасных, ці меў выступы за рэзэрвовую каманду, дзе стала адзначаўся галамі. У рэшце рэшт, 22 сьнежня 2018 году Гакпа дэбютаваў у складзе ПСВ, памяняўшы ў другім тайме Стэвэна Бэргвэйна ў матчы супраць АЗ (3:1)[3]. Прарыўным сэзонам дзеля гульца стаў 2019—2020, калі Гакпа ў 25 матчах лігі адзначыўся 7 галамі ў брамы супернікаў.
13 верасьня 2020 году ў першы гульнявы дзень сэзону 2020—2021 гадоў Гакпа двойчы ўлучыў мяч пад папярэчку брамы «Гронінгена», здабыўшы для эйндговэнцаў перамогу зь лікам 3:1[4]. 24 верасьня доблем адзначыўся ў матчы кваліфікацыі Лігі Эўропы супраць славенскай «Муры» (5:1), што дазволіла ПСВ закрочыць у асноўны раўнд спаборніцтваў[5]. У фінале Кубка Нідэрляндаў 2022 году Гакпа забіў пераможны гол у браму «Аякса». 31 жніўня 2022 году зарабіў свой першы хет-трык у матчы супраць «Валендаму» (7:1)[6].
«Лівэрпул»
рэдагаваць28 сьнежня 2022 году Гакпа пагадзіўся падпісаць дамову з ангельскім «Лівэрпулам», як толькі адчынілася трансфэрнае вакно 1 студзеня 2023 году[7]. Як паведамлялася, кантракт гульца разьлічаны на пяць з паловай гадоў, што каштавала ангельцам ад 35,4 да 44,3 млн фунтаў стэрлінгаў. Згодна з гэтым ПСВ, як мяркуецца, атрымаў рэкордныя грошы за футбаліста[8].
Дасягненьні
рэдагавацьПСВ:
- Уладальнік Кубка Нідэрляндаў: 2022
- Уладальнік Супэркубка Нідэрляндаў: 2021, 2022
«Лівэрпул»:
- Уладальнік Кубка футбольнай лігі: 2024
Крыніцы
рэдагаваць- ^ а б в Cody Gakpo // Transfermarkt (мн.) — 2000.
- ^ а б https://www.transfermarkt.com/cody-gakpo/profil/spieler/434675
- ^ «PSV Eindhoven vs AZ Alkmaar.». Sky Sports.
- ^ Elfrink, Rik (13.09.2020). «PSV pakt belangrijke uitzege in Groningen, met dank aan Cody Gakpo». Brabants Dagblad
- ^ «PSV cruise to a 5–1 win over NS Mura». PSV.
- ^ «Gakpo stars as PSV hit seven past Volendam». Football Oranje.
- ^ «Liverpool reach agreement for Cody Gakpo transfer». Liverpool F.C.
- ^ «Cody Gakpo: Liverpool reach agreement with PSV Eindhoven to sign forward». BBC Sport.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball