Кевін Костнэр
Ке́він Костнэр (па-ангельску: Kevin Costner; нарадзіўся 18 студзеня 1955 году) — амэрыканскі актор і рэжысэр. Уладальнік дзьвюх прыміяў «Оскар» і «Залаты Глёбус». Таксама на сваім рахунку актор мае прэмію «Эмі» і дзьве прэміі Гільдыі кінаактораў.
Біяграфія
рэдагавацьНарадзіўся ў Каліфорніі ў сям’і электрыка зь нямецкімі каранямі. На жаданьне бацькоў па сканчэньні школы Костнэр паступіў у Каліфарнійскі ўнівэрсытэт у Фулертане на катэдру маркетынгу і фінансаў. Тым ня менш, будучы актор мроіў аб кар’еры ў фільмах, наведваючы курсы акторскага майстэрства вечарамі. Працуючы ў сфэры маркетынгу, Костнэру прыходзілася працаваць дадаткова на розных працах, як то быць кіроўцам цяжкавікоў, гідам.
Костнэр пачаў сваю акторскую кар’еру зь фільму «Сызл-Біч, ЗША» (1981). Пасьля некалькіх нязначных добрных роляў ён стаў вядомым дзякуючы ролі Эліята Нэса ў фільме «Недатыкальныя» (1987). Пасьля гэтага пачаўся звышпасьпяховы пэрыяд у кар’еры, калі актор выканаў галоўныя ролі ў фільмах «Няма выйсьця» (1987), «Дарэмскі бык» (1988), «Поле мараў» (1989), «Танцы з ваўкамі» (1990), за якія ён атрымаў дзьве прэміі «Оскар», «Джон Ф. Кенэдзі. Стрэлы ў Даласе» (1991), «Робін Гуд: Прынц злодзеяў» (1991), «Целаахоўнік» (1992) і «Ідэальны сьвет» (1993). У 1995 годзе Костнэр быў адным з прадусараў і галоўным акторам у фільме «Водны сьвет», які быў самым дарагім на той час, то бок выдаткі фільмы склалі крыху больш за 170 мільёнаў даляраў[4][5]. Не зважаючы на заробленыя 264 мільёны даляраў з касавых збораў, фільм вельмі расчараваў сваім прыбыткам. У 1997 годзе Костнэр ужо сам зрэжысэраваў фільм, зьняўшы стужку «Паштальён»[6], які зусім ня меў посьпеху, нават не акупіўшы выдаткі. Далейшыя кінапраекты актору ня мелі вялікага попыту, і Костнэр стаў часьцей зьяўляцца на тэлевізіі. Сярод фільмаў у далейшыя гады актор зьяўляўся ў стужках, як то «Паведамленьне ў бутэльцы» (1999), «Страказа» (2002), «Моліна гульня» (2017), у апошнім зь якіх выконваў ролю другога пляну.
За выкананьне ролі Д’ябла Энса Гэтфілда ў мінісэрыяле «Гэтфілды і Макоі» (2012) актор атрымаў прэмію «Эмі» ў праймтайме за найлепшую мужчынскую ролю ў мінісэрыяле альбо фільме. З 2018 году Костнэр здымаецца ў драматычным сэрыяле «Елаўстоўн».
Крыніцы
рэдагаваць- ^ Kevin Costner // Інтэрнэт-база зьвестак фантастыкі (анг.) — 1995.
- ^ Kevin Michael Costner // Энцыкляпэдыя Бракгаўза (ням.)
- ^ Kevin Costner // GeneaStar
- ^ «Cinema: How Kevin Costner blew it». The Independent.
- ^ «Actors whose careers were killed with on movie». ScreenCrush.
- ^ «Looking back at Kevin Costner's The Postman». Den of Geek.
Вонкавыя спасылкі
рэдагаваць- Афіцыйны сайт
- Кевін Костнэр (анг.) на сайце IMDb