Катастрофа Мі-24 пад Пружанамі

Катастро́фа Мі-24 пад Пружа́наміавіякатастрофа, якая адбылася 29 лістапада 2011 году ў раёне вёскі Новыя Засімавічы на Пружаншчыне.

Катастрофа Мі-24 пад Пружанамі

Гелікоптэр Мі-24 у паветры.
Зьвесткі пра катастрофу
Дата 29 лістапада 2011 году
Час 19:45
Характар падзеньне на зямлю
Месца катастрофы каля аэрадрому Засімавічы
Пункт вылету Засімавіцкі аэрадром
Пункт прызначэньня Засімавіцкі аэрадром
Паветранае судна
Мадэль самалёта Мі-24
Авіякампанія 181-я баявая шрубалётная база
Экіпаж 3
Загінулі 3
Выжылі 0

Хада падзеяў рэдагаваць

Катастрофа адбылася падчас плянавага навучальна-трэніравальнага палёту гелікаптэру 181-й баявой шрубалётнай базы ВПС і войскаў СПА Узброеных сілаў Беларусі[1]. Гелікаптэр ударыўся аб зямлю пры заходзе на пасадку прыкладна за паўтара кілямэтры ад аэрадрому[2]. У найноўшай гісторыі Беларусі гэта першае здарэньне з «Мі-24», якое прывяло да чалавечых ахвяраў[3].

Расьсьледваньне рэдагаваць

Расьсьледаваньне ладзіцца камісіяй Міністэрства абароны[1]. Сярод магчымых прычынаў Генэральны штаб Узброеных сілаў назваў кепскі тэхнічны стан шрубалёту ці чалавечы фактар[4]. Берасьцейская міжгарнізонная ваенная пракуратура ўзбудзіла справу на падставе ч. 2 артыкулу 465 КК РБ (парушэньне правілаў палётаў або падрыхтоўкі да іх або іншых правілаў эксплюатацыі ваенных лятальных апаратаў, у выніку чаго мела месца па неасьцярожнасьці сьмерць дзьвюх і больш асобаў)[2].

Да высьвятленьня абставінаў палёты «Мі-24» былі прыпыненыя паводле загаду міністра абароны Юрыя Жадобіна. 15 студзеня 2012 палёты адноўленыя[5], сьледзтва працягваецца[6].

Ахвяры рэдагаваць

У дзень іхняга пахаваньня 2 сьнежня на Пружаншчыне абвешчаная жалоба[7]. Пасьля жалобнай паніхіды ў пружанскім саборы Аляксандра Неўскага і грамадзянскай цырымоніі разьвітаньня ў Доме культуры лётчыкі пахаваныя на Парасьлянскіх могілках ля Новых Засімавічаў[8].

Крыніцы і заўвагі рэдагаваць

  1. ^ а б Пресс-служба сообщает (рас.). МА РБ (29 лістапада 2011). Праверана 30 лістапада 2011 г.
  2. ^ а б Пахаванне членаў экіпажа МІ-24 адбудзецца ў пятніцу БелаПАН. Наша Ніва (1 сьнежня 2011). Праверана 1 сьнежня 2011 г.
  3. ^ Ігар Карней. (30 лістапада 2011) Тэхнік «МІ-24»: Наша армія можа змагацца з уяўным ворагам, але не з туманам. Радыё «Свабода»Праверана 30 лістапада 2011 г.
  4. ^ Генштаб агучыў версію авіякатастрофы пад Пружанамі Навіны. Эўрарадыё (7 сьнежня 2011). Праверана 15 красавіка 2012 г.
  5. ^ У Беларусі адноўленыя палёты вайсковай авіяцыі Навіны. Эўрарадыё (15 студзеня 2012). Праверана 15 красавіка 2012 г.
  6. ^ В деле о крушении военного вертолета под Пружанами проводится техническая экспертиза (рас.) Общество. БелТА (17 лютага 2012). Праверана 15 красавіка 2012 г.
  7. ^ Жалоба па загінулых лётчыках аб’яўлена толькі на Пружаншчыне Грамадзтва. Наша Ніва (1 сьнежня 2011). Праверана 2 сьнежня 2011 г.
  8. ^ Сьвятлана Яскевіч. Апусцела без цябе зямля… // Звязда. — 3 сьнежня 2011. — № 231 (27095). — С. 1.

Вонкавыя спасылкі рэдагаваць