Катажына Апалінская
Катажы́на Апалі́нская гербу Ладзьдзя (па-польску: Katarzyna Opalińska; 13 кастрычніка 1680, Познань, Каралеўства Польскае — 19 сакавіка 1747, Люнэвіль, Францыя) — жонка Станіслава Ляшчынскага, каралева Польшчы й вялікая княгіня літоўская, княгіня Лятарынгіі й Бару.
| Katarzyna Opalińska | |
 | |
 Герб Ладзьдзя | |
| Каралева Польшчы й вялікая княгіня літоўская | |
|---|---|
| 1705 — 1708 | |
| Папярэднік | Крыстыяна Эбэргардына фон Брандэнбург-Байройт |
| Наступнік | Марыя Юзэфа фон Габсбург |
| Асабістыя зьвесткі | |
| Нарадзілася | 13 кастрычніка 1680 Познань, Карона Польскага каралеўства |
| Памерла | 19 сакавіка 1747 (66 гадоў) Люнэвіль, Францыя |
| Пахаваная | |
| Род | Апалінскія |
| Бацькі | Ян Караль Апалінскі Зоф'я Чарнкоўская |
| Муж | Станіслаў Ляшчынскі |
| Дзеці | Ганна Ляшчынская, Марыя Ляшчынская |
| Рэлігія | каталіцтва |
| Дзейнасьць | валадарная каралева |
Біяграфія
рэдагавацьБыла дачкой кашталяна познанскага Яна Караля Апалінскага й менджыжэцкае старасьцянкі Зоф’і Чарнкоўскай. У 1698 годзе ў Кракаве выйшла замуж за адалянаўскага старосту Станіслава Ляшчынскага. У 1699 годзе ў іх нарадзілася дачка Ганна, а ў 1703 — Марыя.
4 кастрычніка 1705 году падчас Паўночнае вайны Варшаўскай канфэдэрацыяй каранаваная ў Варшаве разам з мужам на кіраўнікоў Рэчы Паспалітае замест Аўгуста ІІ Моцнага. У 1708 годзе мусіла зь дзецьмі пакінуць краіну, жыла ў Швэцыі (у 1708—1711 у Шчэціне, у 1711—1714 у Крыстыянстадзе). У 1714 выехала з мужам у нададзенае таму княства Цвайбрукен.
У 1719 годзе пасяліліся ў горадзе Вісамбур (Францыя). У 1725 іхная дачка Марыя выйшла замуж за францускага караля Люі XV. Ляшчынскія жылі ў Шамборы. У 1733 Станіслаў выехаў на радзіму, дзе зноў стаў каралём, Катажына ж засталася ў Францыі. Па вяртаньні Станіслава Ляшчынскія атрымалі ад францускага караля тытул князёў Лятарынгіі й Бару, жылі ў Люнэвілі. Катажына памерла 19 сакавіка 1747, пахаваная ў Касьцёле Нотр-Дам дэ Сэкюр у Нансі.
Дзеці
рэдагаваць- Ганна Ляшчынская (1699—1717);
- Марыя Ляшчынская (1703—1768), жонка Люі XV, каралева Францыі.
Крыніцы
рэдагаваць| Папярэднік Крыстыяна Эбэргардына фон Брандэнбург-Байройт |
Каралева Польшчы і Вялікага Княства Літоўскага 1705—1708 |
Наступнік Марыя Юзэфа фон Габсбург |