Касьцёл Маці Божай Каралевы (Мікашэвічы)

Помнік сакральнай архітэктуры
Касьцёл Маці Божай Каралевы
Касьцёл Маці Божай Каралевы, аўтэнтычны выгляд
Краіна	Беларусь
Места	Мікашэвічы
Каардынаты	52°13′22.13″ пн. ш. 27°27′52.37″ у. д. / 52.2228139° пн. ш. 27.4645472° у. д. / 52.2228139; 27.4645472Каардынаты: 52°13′22.13″ пн. ш. 27°27′52.37″ у. д. / 52.2228139° пн. ш. 27.4645472° у. д. / 52.2228139; 27.4645472
Канфэсія	Беларускі экзархат
Эпархія	Пінская япархія
Архітэктурны стыль	нэаготыка
Дата заснаваньня	1936
Касьцёл Маці Божай Каралевы на мапе Беларусі Касьцёл Маці Божай Каралевы
Касьцёл Маці Божай Каралевы на Вікісховішчы

Касьцёл Маці Божай Каралевы — помнік архітэктуры першай паловы XX стагодзьдзя ў Мікашэвічах. Знаходзіцца ў цэнтры места^[a]. Твор архітэктуры нэаготыкі, мастацкае аблічча якога пацярпела ў выніку надбудовы купалоў-цыбулінаў.

У наш час у будынку касьцёла дзее царква Сьвятога Яна Прадцечы Беларускага экзархату Маскоўскага патрыярхату.

Гісторыя

Мураваны касьцёл у Мікашэвічах збудавалі ў 1936 годзе.

У 1960-я гады савецкія ўлады зачыніні касьцёл. У 1990-я гады будынак перадалі Беларускаму экзархату Маскоўскага патрыярхату. Тады ж у выніку рэканструкцыі над будынкам паставілі шэраг купалоў-цыбулінаў, а таксама вежу, завершаную высокім шатром з цыбулінай.

Архітэктура

Помнік архітэктуры нэаготыкі. Гэта прастакутны ў пляне вышынны аб’ём пад 2-схільным дахам з прыбудовамі ніжэйшых крылаў трансэпта пад 2-схільнымі дахамі і апсыды пад вальмавым пакрыцьцём. Роўнічны франтальны фасад завяршаецца трыкутным франтонам, падзеленых 2-яруснай аркатурай, восьсю сімэтрыі адзначаецца аркавым пэрспэктыўным парталам. Бакавыя фасады праразаюцца высокімі лучковымі і невялікімі аркавымі аконнымі праёмамі з броўкамі^[1].