Канстантын фон Ноц
Канстантын фон Ноц (па-нямецку: Konstantin von Notz; нар. 21 студзеня 1971, Мёльн, Шлезьвіг-Гальштайн, Заходняя Нямеччына) – нямецкі юрыст і палітык. Дэпутат Бундэстагу з 2009 году ад партыі «Саюз 90/Зялёныя».
Канстантын фон Ноц | |
 | |
| Дата нараджэньня | 21 студзеня 1971[1][2] (54 гады) |
|---|---|
| Месца нараджэньня | |
| Месца вучобы | |
| Занятак | палітык, адвакат, юрыст |
| Сябра ў | German Parliamentary Committee investigation of the NSA spying scandal[d] |
| Бацька | Фрыдгэльм фон Ноц(de) |
| Сайт | von-notz.de (ням.) |
Раньняе жыцьцё й адукацыя
рэдагавацьНарадзіўшыся адным з двух сыноў нямецкага юрыста Фрыдгэльма фон Ноца, Канстантын вырас у Гамбургу й Франкфурце-на-Майне. Ён вывучаў права ў Гайдэльбэрскім унівэрсытэце з 1993 па 1998 год.
Палітычная кар’ера
рэдагавацьФон Ноц стаў дэпутатам Бундэстагу паводле вынікаў парлямэнцкіх выбараў у Нямеччыне 2009 году(be). У свой першы заканадаўчы тэрмін з 2009 па 2013 год працаваў у Камітэце ўнутраных справаў і быў прэс-сакратаром сваёй парлямэнцкай групы паводле ўнутраных справаў і лічбавай палітыцы.
Пасьля выбараў у Бундэстаг 2013 году быў прызначаны віцэ-старшынёю сваёй парлямэнцкай групы пад кіраўніцтвам сустаршыняў Катрын Гёрынг-Экарт і Антона Гофрайтэра(de). У гэтай якасьці выконваў функцыі каардынатара заканадаўчых ініцыятываў групы паводле ўнутраных і прававых пытаньняў, а таксама прэс-сакратара паводле лічбавай палітыцы. Ён таксама ўзначальваў парлямэнцкую групу партыі «Саюз 90/Зялёныя» ў парлямэнцкім камітэце, які расьсьледуе шпіёнскі скандал з АНБ(de), і камітэце паводле лічбавага парадку дня(de)[4].
З 2018 году зьяўляецца сябрам Парлямэнцкага кантрольнага органа(de), які ажыцьцяўляе нагляд за спэцслужбамі Нямеччыны: Фэдэральнаю разьведвальнаю службаю Нямеччыны(be), Фэдэральнаю службаю абароны канстытуцыі Нямеччыны(be), Службаю вайсковай контрвыведкі(uk). Ён таксама далучыўся да Камітэту паводле выбараў судзьдзяў, які адказвае за прызначэньне судзьдзяў Фэдэральнага канстытуцыйнага суду Нямеччыны(uk).
У дадатак да даручэньняў камітэтаў фон Ноц з 2009 году займае пасаду намесьніка старшыні парлямэнцкай групы дружбы паводле сувязяў з краінамі Балтыі.
Пад эгідаю праграмы хроснага бацькоўства над актывістамі за правы чалавека фон Ноц з 2013 году павышае дасьведчанасьць пра працу кубінскага дысыдэнта Антоніё Радзілеса(cs)[5]. 16 чэрвеня 2021 году ўзяў шэфства над Леанідам Судаленкам, беларускім праваабаронцам і палітычным вязьнем[6].
Іншыя віды дзейнасьці
рэдагаваць- Чалец Стратэгічнай кансультацыйнай рады фонду «Stiftung Datenschutz(de)»[7]
- Чалец Асамблеі сябраў Фонду Гайнрыха Бёля(uk)
- Чалец апякунскай рады недзяржаўнай арганізацыі «Liquid Democracy» (з 2009 году)
- Чалец апякунскай рады Фонду Ота фон Бісмарка(de)[8]
- Чалец міжнароднай недзяржаўная арганізацы «Transparency International(pl)»
- Чалец Кансультатыўнай рады паводле канфідэнцыяльнасьці дадзеных «Deutsche Telekom(be)» (2009–2013 годы)
- Старшыня Кансультатыўнай рады Форуму грамадзкай бясьпекі будучыні (2009–2013 годы)
Крыніцы
рэдагаваць- ^ Stammdaten aller Abgeordneten des Deutschen Bundestages
- ^ Konstantin von Notz // Munzinger Personen (ням.)
- ^ Каталёг Нямецкай нацыянальнай бібліятэкі (ням.)
- ^ Dr. Konstantin von Notz, Bündnis 90/Die Grünen, Бундэстаг, (ням.)
- ^ Einsatz für einen inhaftierten kubanischen Blogger Бундэстаг, August 13, 2013.
- ^ Members of the German Bundestag and the European Parliament sponsor Eduard Kudyniuk, Leanid Sudalenka and Volha Klimkova (анг.). Libereco – Partnership for Human Rights (2021-06-15). Праверана 2021-09-23 г. Архіўная копія ад 2021-09-23 г.
- ^ Advisory Board Stiftung Datenschutz.
- ^ Board of Trustees Архіўная копія ад 2018-08-04 г.
Вонкавыя спасылкі
рэдагаваць- von-notz.de — афіцыйны сайт Канстантын фон Ноц
- Старонка Канстантына фон Ноца на сайце Бундэстагу