Зюльтэ-Варэгем (футбольны клюб)

бэльгійскі футбольны клюб

«Зюльтэ-Варэгем» (па-нідэрляндзку: Zulte Waregem) — бэльгійскі футбольны клюб з гораду Варэгему. Заснаваны ў 1950 годзе. Двухразовы ўладальнік Кубка Бэльгіі (2006, 2017). Самым найвлікшым дасягненьнем клюба ў айчынным першынстве было 2 месца ў сэзоне 2012—2013 гадоў. Дэбют «Зюльтэ-Варэгема» ў эшракубках адбыўся ў розыгрышу Кубка УЭФА 2006—2007, дзе бэльгійскі клюб прайшоў праз групавы этап, але саступіў ангельскаму «Ньюкасл Юнайтэд» у 1/32 фіналу. Таксама ў сэзоны 2013—2014 і 2017—2018 гадох клюб выступаў у групавых этапах Лігі Эўропы. У абодвух выпадках «Зюльтэ-Варэгем» заняў 3 радок у сваёй групе. Клюб зьяўляецца вынікам партнэрства паміж клюбамі «Зюльтэ» і «Варэгем», якое цягнецца з 2001 году. Цікава, што аніякага аб’яднаньня клюбаў не адбывалася. Хатнія матчы каманда праводзіць на стадыёне «Рэгенбоогстадыён», які належыць клюбу «Варэгем».

Зюльтэ-Варэгем
Zulte-Waregem.svg
Поўная назва Sportvereniging Zulte Waregem
Заснаваны 1950
Горад Варэгем, Бэльгія
Стадыён Рэгенбоогстадыён
Умяшчальнасьць: 12 500
Прэзыдэнт Вілі Нэсэнс
Галоўны трэнэр Франкі Дуры
Чэмпіянат Першы дывізіён А
 · 2019—2020 9 месца
https://www.essevee.be/

ГісторыяРэдагаваць

 
Матч Кубка УЭФА, дзе «Зюльтэ-Варэгем» сустракаецца з ангельскім «Ньюкасл Юнайтэд».

Футбольны клюб «Зюльтэ Спартыф» быў заснаваны ў 1950 годзе і наўпрост увайшоў у склад нацыянальнай асацыяцыі, атрымаўшы рэгістрацыйны нумар 5381. У 1976 годзе «Зюльтэ Спартыф» аб’яднаўся з клюбам СК «Зюльтэ», утварыўшы клюб «Зюльтэ Спартыф». Новы клюб захаваў рэгістрацыйны нумар клюбу «Зюльтэ Спартыф». У 2001 годзе гэтая каманда зь Зюльтэ аб’яднала свае намаганьні з клюбам «Варэгем» з суседняга гораду. Да таго «Варэгем» шмат гадоў выступаў у першым дывізіёне. Пры гэтым аніводны клюб зь Зюльтэ ніколі не выступаў нават у другі дывізіёне, а найвышэйшым дасягненьнем лічылася дасягненьне клюбам ВВ «Зюльтэ» трэцяга дывізіёну ў 1995 годзе. На той момант ВВ «Зюльтэ» два сэзоны займаў 14 месца з 16 клюбаў і, калі ў першы раз клюб захаваў сваё месца ў дывіўіёне, на другі раз паводле вынікаў матчаў плэй-оф, клюб страціў месца ў трэцім дывізіёне. Паводле дамовы паміж клюбамі галоўны офіс «Зюльтэ-Варэгем» месьціцца ў Зюльтэ, але хатнія матчы клюб праводзіць на стадыёне ў Варэгеме, а таксама каманда мае чырвона-белыя колеры, якія пераважаюць у клюба «Варэгем».

У сэзоне 2006—2007 гадоў клюб атрымаў шанец выступіць у эўрапейскіх клюбных спаборніцтвах. Дэбют адбыўся ў матчы першага раўнду Кубка УЭФА, дзе бэльгійскаму клюбу супрацьстаяў расейскі «Лякаматыў». Не зважаючы на паразу ў першым матчы зь лікам 2:1 у Маскве, «Зюльтэ-Варэгем» перагуляў расейцаў зь лікам 2:0 у хатнім матчы, забясьпечыўшы, такім чынам, месца ў групавым раўндзе эўрапейскага кубка. Старт у групе F атрымаўся для клюбу фантастычным, то бок спачатку ў Вене быў разгромлены мясцовы клюб «Аўстрыя», а потым у Бэльгіі «Зюльтэ-Варэгем» быў мецнейшы за чэскую «Спарту». Аднак апошнія два матчы групы скончыліся для бэльгійцаў буйнымі паразамі, то бок спачатку ад гішпанскага «Эспанёлу» зь лікам 6:2, а потым ад нідэрляндзкага «Аяксу» зь лікам 0:3. Тым ня менш, варэгемскі клюб атрымаў права выступу ў 1/32 фіналу, дзе, аднак, паводле сумы дзьвюх сустрэч саступіў ангельскаму «Ньюкасл Юнайтэд».

СкладРэдагаваць

Актуальны на 10 траўня 2020 году
Пазыцыя Імя Год нараджэньня
1   Бр Самі Босут 1985
2   Аб Даві Дэ Фаў (капітан) 1981
3   Аб Марвэн Бадры 1990
4   Аб Гідэон Мэнса (ар. Рэд Бул) 1998
5   ПА Дам’ен Марк 1988
6   ПА Абдуляй Сысако 1998
9   Нап Кайл Ларын (ар. Бэшыкташ) 1995
10   ПА Амар Гавэа 1996
11   Нап Басэм Срарфі 1997
14   Аб Сэндзі Ўолш 1995
17   Нап Жан-Люк Дампэ 1995
18   Аб Эрдын Дэмір 1990
19   Нап Джаньні Бруна 1991
Пазыцыя Імя Год нараджэньня
20   Нап Гэнрык Б’ёрдаль 1997
21   ПА Ібраіма Сэк 1989
22   Нап Ельле Восэн 1989
24   Аб Эвоўд Плетынкс 2000
25   Бр Люі Бастын 1993
27   Нап Дымітры Абэрлен (ар. Базэль) 1997
38   Нап Сайда Бэраіна 1993
43   Аб Нікас Кенургіяс 1998
44   Бр Айке Банзэн 1998
45   Аб Аліўе Дэсхахт 1981
52   Аб Готман Эль-Кабабры 2000
67   ПА Янэс Ван Гэке 2002
79   Нап Габрыел Канэла (ар. Нова-Ігуасу) 2000

Вонкавыя спасылкіРэдагаваць

  Зюльтэ-Варэгем (футбольны клюб)сховішча мультымэдыйных матэрыялаў