Зломнае

Зло́мнае — вёска ў Беларусі. Уваходзіць у склад Стрэшынскага пасялковага савету Жлобінскага раёну Гомельскай вобласьці. Насельніцтва 114 чал. (2004). Знаходзіцца за 32 км на поўдзень ад места і чыгуначнай станцыі Жлобін (лінія Бабруйск — Гомель), за 84 км ад Гомелю. На захадзе Шохава-Гелінскі канал.

Зломнае
Першыя згадкі:	XIX ст.
Вобласьць:	Гомельская
Раён:	Жлобінскі
Пасялковы савет:	Стрэшынскі
Насельніцтва:	114 чал. (2004)
Часавы пас:	UTC+3
Геаграфічныя каардынаты:	52°40′41″ пн. ш. 30°2′54″ у. д.
Зломнае на мапе Беларусі Зломнае

Гісторыя

Паводле пісьмовых крыніцаў вядомая з XIX стагодзьдзя як вёска ў Рагачоўскім павеце Магілёўскай губэрні Паводле рэвізіі 1858 году ўлоданьне князя Л. М. Галіцына. Паводле перапісу 1897 году знаходзіліся школа граматы, хлебазапасная крама, крупадробільня, 3 ветракі. У 1909 годзе 1588 дзесяцін зямлі, млын, у Стрэшынскай воласьці Рагачоўскага павету.

У 1929 годзе арганізаваны калгас. У часе Вялікай Айчыннай вайны акупанты ў 1943 годзе расстралялі 12 жыхароў (пахаваныя на заходняй ускраіне). У сьнежні 1943 году ў вёсцы разьмяшчаўся шпіталь савецкіх войскаў. 80 жыхароў загінулі на фронце. Паводле перапісу 1959 году ў складзе калгасу «1 Траўня» (цэнтар — гарадзкі пасёлак Стрэшын). Працуе фэльчарска-акушэрскі пункт.

Насельніцтва

• XIX стагодзьдзе: 1858 — 28 двароў, 199 жыхароў; 1897 — 74 двары, 500 жыхароў (паводле перапісу)
• XX стагодзьдзе: 1909 — 84 двары, 660 жыхароў; 1925 — 136 двароў; 1959 — 537 жыхароў (паводле перапісу)
• XXI стагодзьдзе: 2004 — 55 гаспадарак, 114 жыхароў

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.