Занзыбар

	Занзыбар
Месца	Індыйскі акіян
Плошча	1900 км²
Краіна	Танзанія
Вобласьць	Танзанія
Насельніцтва (2012)	1 303 569
Каардынаты	6° пн. ш. 39° у. д. / 06° пн. ш. 39° у. д.Каардынаты: 6° пн. ш. 39° у. д. / 06° пн. ш. 39° у. д.
	Занзыбар на мапе Танзаніі Занзыбар

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Занзыбар (неадназначнасьць).

Занзыбар — архіпэляг у Індыйскім акіяне, у берагоў Танзаніі, якой і прыналежыць. Найбуйныя выспы — Пэмба і Унгуйя, ва ўжытку таксама званы Занзыбар. Самы вялікі горад выспы — Занзыбар (206 тыс. жыхароў (2002)). Клімат цёплы і вельмі вільготны.

Гісторыя

Да міяцэну архіпэляг уяўляў сабой частку Афрыканскага кантынэнту. Першыя вызначаныя весткі аб ім зьяўляюцца ў X стагодзьдзі, калі тут зьявіліся пэрсы з Шыраза. Мясцовыя жыхары дагэтуль мянуюць сябе «шыразы», хоць пэрсыдзкія пасяленцы былі даволі хутка асіміляваныя. Гэта яны прынеслі на Занзыбар іслам. У цяперашні час мусульмане складаюць да 88 % насельніцтва, астатнія — пасьлядоўнікі афрыканскіх паганскіх культаў і хрысьціяне.

У Сярэднія стагодзьдзі на Занзыбары разгарнуўся гандаль нявольнікамі, якіх лавілі ў афрыканскіх джунглях. З часам рабагандаль засяродзіўся ў руках гандляроў з Амана, якія склалі ядро мясцовай арыстакратыі. У XVI стагодзьдзі Занзыбар уваходзіць у склад каляніяльных валадарстваў Партугаліі, нараўне з Мамбасай і Армузам. У сяр. XVII стагодзьдзя аманскія арабы акрыялі ад удару, нанесенага зьяўленьнем эўрапейскіх калянізатараў, і сталі выціскаць іх з заходняй часткі Індыйскага акіяну. Праўда, на Занзыбары ўлада султана доўгі час заставалася намінальнай.

Султанат Занзыбар

Да 1853 г. самы магутны з аманскіх султанаў, Саід ібн Султан, усталяваў кантроль над значнымі ўчасткамі афрыканскага ўзбярэжжа і перанёс сваю сталіцу з Маската на Занзыбар. Выспа перажыла новы ўздым, зьвязаны з узрослым попытам на слановую костку і рабоў — тавары, якія пастаўляліся на мясцовыя рынкі з Афрыкі. Пры султане на Занзыбары вялося шырокае будаўніцтва; архітэктурныя помнікі выспы занесеныя ЮНЭСКА ў Сьпіс сусьветнай спадчыны.

У 1861 Занзыбарскі султанат аддзяліўся ад Аманскага, а ў 1890 г. перайшоў пад брытанскі пратэктарат.

Занзыбар у складзе Танзаніі

У 1964 г. улады Занзыбара і Танганьікі падпісалі дамову аб стварэньні адзінай дзяржавы — Танзаніі (назва складзена з першых трох літар слоў «Танганьіка» і «Занзыбар»).

Сучаснае палітычнае становішча

Новы сьцяг Занзыбара быў упершыню падняты ў студзені 2005

Занзыбар зьяўляецца аўтаномнай вобласьцю Танзаніі з адміністрацыйным цэнтрам у г. Занзыбар. З 2005 году на высьпе маецца ўласны сьцяг, прэзыдэнт і парлямэнт.

Выгляд з мора
Набярэжная горада Занзыбар з палацам султана
Арабскі форт у Занзыбары
На прычале