Дўэйн Джонсан
Дўэйн Джо́нсан (па-ангельску: Dwayne Johnson; нарадзіўся 2 траўня 1972 году) — амэрыканскі актор, прадусар, бізнэсовец і былы рэсьлер вядомы пад мянушкай Скала (анг. The Rock)[4]. Лічыцца адным з найвялікшых прафэсійных дужаньнікаў усіх часоў[5][6]. Гэтай працай ён займаўся восем гадоў, перш чым заняцца акторскай справай. Ягоныя фільмы агулам назьбіралі больш за 3,5 мільярдаў даляраў у Паўночнай Амэрыцы і больш за 10,5 мільярдаў даляраў ва ўсім сьвеце[7], што робіць яго адным з самых прыбытковых і высокааплатных актораў у сьвеце[8]. У 2016 і 2019 гадах Джонсан быў названы часопісам Time адным з самых уплывовых людзей у сьвеце[9][10].
Дўэйн Джонсан | |
| па-ангельску: Dwayne Douglas Johnson | |
 | |
| Дата нараджэньня | 2 траўня 1972[1][2][3][…] (52 гады) |
|---|---|
| Месца нараджэньня | |
| Месца вучобы | |
| Занятак | забаўляльны барацьбіт, кінаактор, кінапрадусар, выканаўчы прадусар, амэрыканскі футбаліст, тэлеактор, актор агучваньня, бізнэсмэн, Canadian football player, актор |
| Псэўданімы | The Rock |
| Бацька | Рокі Джонсан[d] |
| Маці | Ата Джонсан[d] |
| Дзеці | Сымона Джонсан[d] |
| Узнагароды | |
| IMDb | ID nm0425005 |
| Сайт | facebook.com/DwayneJohns… |
| Подпіс | 
|
Біяграфія
рэдагавацьДжонсан нарадзіўся ў Каліфорніі ў сям’і прафэсійнага канадзкага рэсьлера Рокі Джонсана, але гадаваўся ў Новай Зэляндыі ў сям’і ягонай маці. Праз маці мае паходжаньне самоа, а бацька мае афрыканскія і крыху ірляндзкія карані. У дзяцінстве захапляўся рэгбі[11], але потым вярнуўся ў ЗША, часта зьмяняючы месца жыхарства[12].
Джонсан гуляў у каледжны футбол у складзе Маямскага ўнівэрсытэту і нават здабываў з дружынай нацыянальны чэмпіянат у 1991 годзе. Ён імкнуўся да прафэсійнае кар’еры ў амэрыканскім футболе, але ня быў задрафтаваны на драфце НФЛ 1995 году. Склаўшы ўгоду з «Калгары Стэмпэдэрс» з Канадзкае футбольнае лігі, Джонсан быў выключаны з каманды ў першым жа сэзоне[13]. Пасьля няўдачы спартовец скіраваў свой позірк на рэсьлінг, бо ягоныя бацька і дзед з матчынай лініі былі прафэсійнымі дужаньнікамі. У выніку Джонсан склаў кантракт з Сусьветнай фэдэрацыяй рэсьлінгу ў 1996 годзе. Набыў вядомасьць дзякуючы распрацоўцы ўласнага пэрсанажу харызматычнага рэсьлера-гаваруна у пэрыяд здабыцьця папулярнасьці гэтае забавы ў канцы 1990-х і пачатку 2000-х гадоў[14]. Джонсан вырашыў сысьці з рэсьлінгу ў 2004 годзе, але вяртаўся яшчэ пэўны час, але тэрмінова[15].
Першай галоўнай роляй Джонсана была роля галоўнага герою ў фільме пра чараўніцтва «Кароль скарпіёнаў» (2002), але першае сур’ёўнае зьяўленьне на экранах адбылася за год да таго, калі актор узяў удзел у здымках фільму «Мумія вяртаецца». З тых часоў ён здымаўся ў камэдыях «Плян гульні» (2007), «Зубная чараўніца» (2010) і «Цэнтральная выведка» (2016); прыгодніцкіх баевіках «Падарожжа 2: Таямнічы востраў» (2012), «Жаўнер Джо: Кідок кобры 2» (2013), «Гэркулес» (2014) і «Хмарачос» (2018); навукова-фантастычных фільмах «Разлом Сан-Андрэас» (2015) і «Рэмпэйдж» (2018). Зьяўленьне пэрсанажу Люк Гобс у ягоным выкананьні ў сэрыі фільмаў «Фарсаж» пачынаючы з кінастужцы «Фарсаж 5: Рабаваньні ў Рыю» (2011), дапамагла фільму стаць адной з самых прыбытковых кінафраншызаў сьвеце[16]. Джонсан таксама бярэ ўдзел ў кінафраншызе «Джуманджы», выканаўшы ролі ў фільмах «Джуманджы: Покліч джунгляў» (2017) і «Джуманджы: Наступны ўзровень» (2019).
Джонсан займаецца таксама і прадусаваньнем. У 2000 годзе пабачыла сьвет аўтабіяграфія актора «Скала гаворыць», якая стала сапраўдным бэстсэлерам[17][18].
Крыніцы
рэдагаваць- ^ IMDb (анг.) — 1990.
- ^ Dwayne Johnson // GeneaStar
- ^ Dwayne Johnson // MAK (пол.)
- ^ «Dwayne „The Rock“ Johnson». WWE.
- ^ «The Greatest Professional Wrestlers of All Time». UGO.
- ^ «The Top 100 Pro Wrestlers of All time Reviewed in Wrestling Perspective». Wrestling Perspective.
- ^ «Dwayne Johnson Movie Box Office Results». Box Office Mojo.
- ^ «The World’s Highest-Paid Actors 2016: The Rock Leads With Knockout $64.5 Million Year». Forbes.
- ^ «The World’s 100 Most Influential People: Dwayne Johnson». Time.
- ^ «Dwayne Johnson, Taylor Swift, Gayle King, more cover Time’s 100 most influential people issue». USA Today.
- ^ «Dwayne 'The Rock' Johnson: Rugby’s the toughest sport I ever played». Stuff.
- ^ «Actors — The Rock». Monsters & Critics.
- ^ «20 Surprising Facts About Dwayne 'The Rock' Johnson». Hollywood.
- ^ «Why WWE Doesn’t Care About Record-Low TV Ratings... Yet». Seeking Alpha.
- ^ «The Rock has 'quietly retired' from wrestling in the WWE». AOL.
- ^ «The 23 most successful movie franchises of all time». Business Insider.
- ^ «Best Sellers Plus». The New York Times.
- ^ «Bulletin with Newsweek». J. Haynes and J.F. Archibald.
Вонкавыя спасылкі
рэдагаваць- Дўэйн Джонсан (анг.) на сайце IMDb