Дэйв Брубэк

Дэйвід Ўорэн Брубэк (па-ангельску: David Warren Brubeck; 6 сьнежня 1920, Конкард, Каліфорнія, ЗША — 5 сьнежня 2012, Норўалк, Канэктыкут, ЗША) — амэрыканскі джазавы піяніст і кампазытар, які лічыцца адным зь першапраходцаў стылю кул-джазу. Такія ягоныя творы, як «In Your Own Sweet Way» або «The Duke», сталі джазавым стандартам. Стыль Брубэка вагаецца ад выкшталцонага да напышлівага, выпрацаванага клясычнай адукацыяй маці і ўласнымі імправізацыйнымі ўменьнямі.

Дэйв Брубэк
Dave Brubeck
Брубэк у 1964 року
Дата нараджэньня	6 сьнежня 1920
Месца нараджэньня	Конкард, Каліфорнія, ЗША
Дата сьмерці	5 сьнежня 2012 (91 год)
Месца сьмерці	Норўалк, Канэктыкут, ЗША
Прычына сьмерці	інфаркт міякарда і сэрцавая няздатнасьць
Месца вучобы	Музычная кансэрваторыя Ціхаакіянскага ўнівэрсытэту[d] Ціхаакіянскі ўнівэрсытэт[d] Коледж Мілза[d] Shasta High School[d]
Прафэсія	музыка, кампазытар
Гады дзейнасьці	1940-я — 2012
Сябра ў	Амэрыканская акадэмія мастацтваў і навук[d] і The Dave Brubeck Quartet[d]
Жанры	джаз, кул-джаз, заходнебярэжны джаз, трэцяя плыня
Інструмэнты	фартэпіяна
Супрацоўніцтва	Пол Дэзманд, Юджын Райт, Джо Марэла, Джэры Малігэн
Лэйблы	Columbia, Legacy, «Соні», Concord, A&M, Atlantic
Дзеці	Дарыюс Брубэк[d], Крыс Брубэк[d] і Мэт Брубэк[d]
Узнагароды	прэмія «Грэмі» за найлепшы альбом клясычнага красовэру[d] (2009) Жывая легенда Бібліятэкі Кангрэсу[d] (кастрычнік 2003) Каліфарнійская заля славы[d] (2008) сябра Амэрыканскай акадэміі мастацтваў і навук[d] honorary doctor of the University of Duisburg-Essen[d] Honorary doctor of the University of Fribourg[d] мэдаль Летэрэ[d] (2006) зорка на галівудзкай «Алеі славы»[d] (8 лютага 1960) NEA Jazz Masters[d] BBC Jazz Awards[d] Christopher Award[d]
Сайт	davebrubeck.com
Дэйв Брубэк у Вікісховішчы

У музыцы прымяняў незвычайныя памеры і накладаў канстрастныя рытмы, мэтры ды танальнасьці. Складаў таксама аркестравую і рэлігійную музыку, пісаў суправаджэньне для тэлеперадачаў.

Жыцьцяпіс

Нарадзіўся ў сям’і жывёлавода Пітэра Гоўарда Брубэка і настаўніцы па гры на фартэпіяна Элізабэт Айві, ад якой пачаў навучацца музыцы. Аднак плянаваў дапамагаць бацьку на ранча і з гэтай мэтай паступіў на вэтэрынара ў стоктанскі коледж. Але ўжо там перавёўся на музычнае аддзяленьне. Скончыўшы навучаньне ў 1942 року, быў прызваны ва ўзброеныя сілы, служыў у Эўропе. На адным з выступаў выклікаўся сыграць на фартэпіяна і аказаў такое ўражаньне, што быў адкліканы з страявой службы дзеля стварэньня гурту, які атрымаў назву «The Wolfpack». Падчас службы, у 1944 року, пазнаёмўіся з Полам Дэзмандам.

Пасьля службы паступіў у Мілз-коледж у Оўклэндзе. У 1949 року ўпершыню запісаўся на студыі з уласным актэтам, а пасьля з трыё. Выдадзеныя на Fantasy Records запісы разышліся зь вялікім посьпехам. У 1951 Брубэк заснаваў «Квартэт Дэйва Брубэка», дзе Пол Дэзманд стаў саксафаністам. Яны займелі папулярнасьць выступамі ў начным клюбе ды кампусах Сан-Францыска і запісалі шэраг альбомаў: Jazz at Oberlin (1953), Jazz at the College of the Pacific (1953) Jazz Goes to College (1954). У 1954 Дэйв Брубэк быў зьмешчаны на вокладку часопісу Time — другі джазавы музыка пасьля Луіса Армстранга 21 лютага 1949).

У 1958 року квартэт наведаў з канцэртамі Азію ды Эўропу, у тым ліку правялі 13 канцэртаў у Польшчы. У 1959 быў запісаны альбом Time Out, амаль усе кампазыцыі якога мелі незвычайныя памеры: ​⁹⁄₈, ​⁵⁄₄, ​³⁄₄ і ​⁶⁄₄. Тым ня меней, гэты альбом хутка зрабіўся плятынавым, стаўшы першым джазавым альбомам, прададзеным у колькасьці больш за мільён копіяў. Пасьля яго былі запісаныя іншыя падобныя альбомы: Time Further Out: Miro Reflections (1961), Time Changes (1963), Time In (1966).

Са сваёй жонкай Аёлай Брубэк стварыў джаз-м’юзыкл The Real Ambassadors, альбом кампазыцыяў да якога выйшаў у 1961 року з удзелам Люіса Армстранга, Ламбэрта, Гендрыкса, Роса і Кармэн Макрэй. На піку творчасьці ў пачатку 1960-х квартэт запісваў да чатырох альбомў у год.

Памёр ад спыненьня сэрца за дзень да свайго 92-годзьдзя.

Вонкавыя спасылкі

Дэйв Брубэк — сховішча мультымэдыйных матэрыялаў

• Allmusic
• Find a Grave
• Дэйв Брубэк (анг.) на сайце IMDb
• Дэйв Брубэк на бачыне Curlie