Драма (горад)
Драма (па-грэцку: Δράμα) — горад у Грэцыі, які месьціцца ў рэгіёне Македоніі. Старажытнае места з багатай гісторыяй і мноствам архітэктурных помнікаў.
| Драма | |
| |
| Краіна: | Грэцыя |
| Плошча: |
|
| Вышыня: | 115 м н. у. м. |
| Насельніцтва: |
|
| Тэлефонны код: | 25210 |
| Паштовы індэкс: | 66100 |
| Геаграфічныя каардынаты: | 41°9′5″ пн. ш. 24°8′21″ у. д. / 41.15139° пн. ш. 24.13917° у. д.Каардынаты: 41°9′5″ пн. ш. 24°8′21″ у. д. / 41.15139° пн. ш. 24.13917° у. д. |
Драма на мапе Грэцыі   Драма | |
 Галерэя здымкаў у Вікісховішчы
| |
| https://dimos-dramas.gr/ | |
Гісторыя
рэдагаваць
Горад быў заснаваны ў старажытныя часы. Быў у складзе Рымскай і Бізантыйскай імпэрыях поруч зь іншымі часткамі Грэцыі. У рымскую эпоху Драма была вядомая як Драбіскас грэц. Δραβήσκος, і зьяўлялася важным гандлёвым цэнтрам і вайсковым лягерам, які быў пабудаваны каля Эгнатыевай дарогі. Драма добра забясьпечвалася вадой з горных крыніцаў. Паводле адной з вэрсіяў назва паходзіць ад слова Гідрама (грэц. Γηδράμα — водная). Асманская імпэрыя захапіла рэгіён у 1371 годзе. У 1519 годзе паводле зьвестак тут жылі 116 мусульманскіх і 153 хрысьціянскіх сем’яў. У XIX стагодзьдзі горад стаў цэнтрам санджаку Драма.
Да пачатку XX стагодзьдзя горад меў шматэтнічнае насельніцтва. У працы 1900 году праца Васіла Кынчава «Македонія. Этнаграфія і статыстыка», паказана, што горад насялялі 6,3 тысячы туркаў, 1,5 тысячаў грэкаў, 350 баўгараў-хрысьціян, 300 валахаў, 240 цыганаў, 150 габрэяў, 50 чэркесаў ды 150 іншых[1]. Перад Балканскімі войнамі горад быў важным эканамічным цэнтрам. У 1912 годзе за часам Першай балканскай вайны баўгарскія войскі захапілі Драму. У 1913 годзе паводле ўмоваў Бухарэсцкай дамовы па Другой балканскай вайны тэрыторыя гораду была далучаная да Грэцыі поруч з астатняй часткай Усходняй Македоніі. За часам Другой сусьветнай вайны, у выніку ўварваньня Нямеччыны ў Грэцыю ў 1941 годзе, баўгарскія войскі акупавалі Драму і трымалі яе з 1941 па 1944 гады. 29 верасьня 1941 году, пасьля заўчаснага паўстаньня, ініцыяванага грэцкімі камуністамі, баўгарскімі акупантамі былі расстраляныя каля 2 тысячаў жыхароў Драмы. Адначасова ў суседнім горадзе Даксата было расстраляна больш за тысячу жыхароў. Места было вызваленае Народна-вызваленчай арміяй Грэцыі — ЭЛАС.
Эканоміка
рэдагавацьУ нядаўнім мінулым эканоміка Драмы базавалася на тэкстыльнай прамысловасьці. Аднак, гэтыя галіны прамысловасьці былі закрытыя. Іншымі крыніцамі прыбыткаў ёсьць сельская гаспадарка (галоўным чынам плянтацыі тытуню), невялікая горная прамысловасьць (здабыча мармуру) і лесаводзтва. Былі рэалізаваныя захады па эксплюатацыі багатага мясцовага навакольнага асяродзьдзя і разьвіцьцю экатурызму. На схілах гары Фалякра быў створаны сучасны лыжны курорт. Драма таксама прымае гасьцей падчас штогадовага фэстывалю кароткамэтражных фільмаў[2].