Дана Рэйзьніецэ-Азола
Дана Рэйзьніецэ-Азола (па-латыску: Dana Reizniece-Ozola; нар. 6 лістапада 1981 году, Кулдыга) — латвійская палітычная дзяячка і шахістка, міністарка фінансаў Латвіі. Дэпутат Сойму Латвіі 10, 11 і 12 скліканьняў.
| Дана Рэйзьніецэ-Азола | |
| Dana Reizniece-Ozola | |
 | |
| Міністар фінансаў Латвіі | |
|---|---|
| 11 лютага 2016 — цяперашні час | |
| Прэм’ер-міністар: | Марыс Кучынскіс |
| Папярэднік: | Яніс Рэірс |
| Міністар эканомікі Латвіі | |
| 5 лістапада 2014 — 11 лютага 2016 | |
| Прэм’ер-міністар: | Лаймдата Страўюма |
| Папярэднік: | Вячаслаўс Дамброўскіс |
| Наступнік: | Арвілс Ашэрадэнс |
| Асабістыя зьвесткі | |
| Нарадзілася: |
6 лістапада 1981 (42 гады) Кулдыга, Латвійская ССР |
| Партыя: | Дзеля Латвіі і Вэнтсьпілсу |
| Адукацыя: |
Вэнтсьпілскі ўнівэрсытэцкі коледж Рыская найвышэйшая школа права Міжнародны касьмічны ўнівэрсытэт |
Жыцьцяпіс
рэдагавацьРэйзьніецэ-Азола працавала ў Вэнтсьпілсе ў досьледным цэнтры і прамысловай інвэстыцыйнай кампаніі. У 2006—2014 роках была дарадцай, сябрам Рады і старшынькай Вэнтсьпілскага парку высокіх тэхналёгіяў(en). У мескай радзе Вэнтсьпілсу была старшынёй інвэстыцыйнага аддзелу.
Скончыла Політэхнічны ўнівэрсытэт дастасоўных навук у Хямэ(fi) (Фінляндыя) па спэцыяльнасьці «міжнародная справа», вывучала права ў Коледжы права і мовазнаўства Вэнтсьпілскага ўнівэрсытэцкага коледжу. Мае званьне прафэсійнага магістра па перакладзе і тэрміналёгіі Вэнтсьпілскага ўнівэрсытэцкага коледжу і арганізатарскага магістра справавога адміністраваньня Міжнароднага касьмічнага ўнівэрсытэту (Францыя).
Абіралася дэпутаткай у Сойм Латвіі 10, 11 і 12 скліканьняў, дзе была старшынёй камісіі па адукацыі, культуры і навуцы, сябрай камісіі па прававых пытаньнях і камісіі па эўрапейскіх пытаньнях. Сяброўка партыі Дзеля Латвіі і Вэнтсьпілсу ў Зьвязе зялёных і сялянаў.
З 2016 року займае пасаду міністаркі фінансаў Латвіі.
Дзейнасьць
рэдагавацьКіравала некалькімі праектамі па спадарожнікавых і касьмічных тэхналёгіях, у тым ліку па стварэньні першага латвійскага спадарожніку «Venta-1» у ПВТ Вэнтсьпілсу.
Дана Рэйзьніецэ-Азола — двойчы юніёрская чэмпіёнка Эўропы і сьвету па шахматах, грасмайстарка.
Спартовая кар’ера
рэдагавацьДана Рэйзьніецэ-Азола перамагала на жаночым чэмпіянаце Латвіі па шахматах у 1998, 1999, 2000 і 2001 роках. У 1998 і 1999 перамагала на чэмпіянаце Эўропы да 18 гадоў. Выступала за краіну на Шахматных Алімпіядах 1998, 2000, 2004, 2006, 2010, 2012, 2014, 2016 рокаў[1] і камандным чэмпіянаце Эўропы 1999, 2001, 2011, 2015 рокаў[2].
Сям’я
рэдагавацьЗамужам за Андрысам Азолсам, дырэктарам Агенцтва па інвэстыцыях і разьвіцьці Латвіі.
Крыніцы
рэдагаваць- ^ Wojciech Bartelski Women's Chess Olympiads: Dana Reizniece. OlimpBase. Праверана 2011-10-20 г.
- ^ Wojciech Bartelski European Women's Team Chess Championship: Dana Reizniece. OlimpBase. Праверана 2011-10-20 г.
Вонкавыя спасылкі
рэдагаваць- Дана Рэйзьніецэ-Азола на бачыне ФІДЭ
- Профіль (анг.) на ChessGames
- Профіль (анг.) на 365chess
- Профіль (анг.) на ChessTempo
| Папярэднік Яніс Рэірс |
Міністар фінансаў Латвіі 2016— |
Наступнік ' |