Гірд Годвінсан

Гірд Годвінсан (каля 1032 — 14 кастрычніка 1066) — англасаксонскі нобіль, эрл Усходняй Англіі (з 1055 году), актыўны ўдзельнік абароны Ангельшчыны ад нармандзкіх заваёўнікаў.

Гірд і яго брат у бітве пад Гастынгсам, сцэна 52 габэлену з Баё: «HIC CECIDERUNT LEWINE ET GYRD FRATRES HAROLDI REGIS» («Тут загінулі Левін і Гірд, браты караля Гаральда»)

Біяграфія

Чацьверты сын эрла Годвіна, малодшы брат караля Гаральда II.

У 1051 годзе выправіўся з сваім старэйшым братам Свэйнам у выгнанне ў Фляндрыю, але ў адрознасьць ад Свэйна змог вярнуцца з астатняй часткай кляну ў наступным годзе. Разам з сваімі братамі Гаральдам і Тостыгам быў ля смяротнага ложа свайго бацькі.

Па сьмерці бацькі ў красавіку 1053 году, паміж 1055 і 1057 гадамі стаў эрлам Усходняй Англіі.

Загінуў у бітве пад Гастынгсам разам з сваімі братамі Гаральдам і Леофвайнам.

Глядзіце таксама

• Герда