Глеб Гурбан
Глеб Віталевіч Гурбан (нар. 15 траўня 2001) — беларускі футбаліст, абаронца «Менску».
| Глеб Гурбан | ||
| Пэрсанальная інфармацыя | ||
|---|---|---|
| Нарадзіўся | 15 траўня 2001[1] (22 гады) | |
| Рост | 175 см[1] | |
| Вага | 71 кг[1] | |
| Пазыцыя | абаронца | |
| Клюбная інфармацыя | ||
| Клюб | Менск | |
| Нумар | 15 | |
| Клюбы | ||
| Гады | Клюб | Гульні (галы)¹ |
| 2019—2020 | Менск | 3 (0) |
| 2020 | → Смалявічы | 4 (0) |
| 2021 | Рух Берасьце | 0 (0) |
| 2021 | → Ворша | 14 (1) |
| 2022— | Менск | 44 (1) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
Выхаванец клюбу «Менск». З 2018 году пачаў выступаць за дубль, у кастрычніку і лістападзе 2018 году гуляў таксама ў Юніёрскай лізе УЭФА. У 2019 годзе пачаў зрэдку прыцягвацца і да асноўнай каманды. 14 верасьня 2019 году дэбютаваў у Найвышэйшай лізе, выйшаўшы на замену ў канцы матча супраць берасьцейскага «Дынама» (0:3). У далейшым працягваў выступаць за дубль, часам зьяўляючыся ў асноўным складзе. У ліпені 2020 году на правах арэнды далучыўся да «Смалявічаў»[2]. Пачаў гуляць у стартавай адзінаццатцы, аднак у жніўні атрымаў траўму. Пасьля акрыяньня вярнуўся на поле толькі ў лістападзе. У сьнежні 2020 году пакінуў «Смалявічы»[3].
У сакавіку 2021 году стаў гульцом берасьцейскага «Руха»[4], аднак гуляў толькі за дубль. У ліпені 2021 году на правах арэнды далучыўся да «Воршы»[5], дзе замацаваўся ў стартавым складзе. У сьнежні 2021 году вярнуўся з арэнды ў «Рух»[6]. У сакавіку 2022 году, пасьля таго як «Рух» зьняўся з Найвышэйшай лігі, зноў стаў футбалістам «Менска»[7]. Спачатку ня меў трывалага месца ў аснове, а зь лета пачаў рэгулярна зьяўляцца ў першым складзе. У сьнежні 2022 году па заканчэньні кантракту пакінуў «Менск»[8], аднак у студзені 2023 году падпісаў новае пагадненьне з клюбам[9]. Паводле вынікаў галасаваньня аматараў быў прызнаны найлепшым гульцом каманды ў 2023 годзе. У сьнежні 2023 году пакінуў клюб[10], але ў студзені 2024 году падпісаў чарговае пагадненьне зь «Менскам»[11].
Міжнародная рэдагаваць
У кастрычніку 2019 году выступаў за зборную Беларусі (да 19 гадоў) у кваліфікацыйным раўндзе чэмпіянату Эўропы.
Крыніцы рэдагаваць
- ^ а б в г д е ё ж з https://fcminsk.by/player/gleb-gurban/
- ^ "Смолевичи" подписали Макушинского и Гурбана
- ^ Футболисты покидают "Смолевичи"
- ^ Защитники Глеб Гурбан и Максим Луцкий подписали контракты с Рухом
- ^ "Рух" отдал Гурбана в аренду в "Оршу"
- ^ 7 футболистов вернулись в «РУХ» из аренды! Архівавана 10 снежня 2021.
- ^ Глеб Гурбан вновь будет играть за "Минск"
- ^ Футбол. "Минск" объявил об уходе 16 футболистов. Среди них Хващинский и Шрамченко (рас.) Праверана 2022-12-19 г. Архіўная копія ад 19 снежня 2022 г.
- ^ Футбол. "Минск" продлил контракт с Глебом Гурбаном (рас.) Праверана 2023-01-12 г. Архіўная копія ад 12 студзеня 2023 г.
- ^ Лучший футболист "Минска" покинул клуб (рас.)
- ^ Глеб Гурбан остался в "Минске" (рас.)
Вонкавыя спасылкі рэдагаваць
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball