Герб Амсьціслава

Герб Амсьціслава — геральдычны сымбаль Амсьціслава, нададзены месту каралём польскім і вялікім князем літоўскім Уладзіславам Вазам 16 жніўня 1634: «у залатым полі збройная рука зь мечам — „Малая Пагоня“».

Герб Амсьціслава лац. Hierb Amścisłava
Сучасны афіцыйны герб (з улікам расейскага гербу)
Апісаньне
Герб Амсьціслава ў Вікісховішчы

Гісторыя

Герб Амсьціслаўскага княства з Маскоўскага Тытулярніка (1672)

У часе расейскага панаваньня імпэратрыца Кацярына II 16 жніўня 1781 даравала Амсьціславу новы герб:

У верхняй частцы тарчы частка гербу Магілёўскага: у залатым полі палова Расейскага гербу. У ніжняй, у срэбным полі, чырвоная лісіца, якая бяжыць, каторых зьвяроў ваколіцы гэтага места маюць багата. Арыгінальны тэкст  (рас.) В верхней части щита часть герба Могилевского: в золотом поле половина Российского герба. В нижней, в серебряном поле, бегущая красная лисица, каковыми зверьми окрестности сего города весьма изобилуют.

Вылучэньне чырвонай лісіцы (пазьней — воўка) як нейкай асаблівасьці Амсьціслава зьяўляецца штучным вынікам творчасьці мастакоў і складальнікаў гербаў з Геральдмейсьцерскай канторы Расейскай імпэрыі.

Афіцыйны герб

У сучаснай Беларусі зь невядомых прычынаў 29 лістапада 2000 статус афіцыйнага геральдычнага сымбалю Амсьціслава атрымаў гібрыд гістарычнага і расейскага мескіх гербаў. Аўтар гэтага гербу — С. Рассадзін.

Афіцыйнае апісаньне:

У срэбным полі францускай тарчы зь сіняга воблака выходзіць далонь Гасподняя, узброеная сталёвым мечам, а пад ёю гербавая эмблема Амсьціслаўскага княства, чырвоны воўк, павернуты налева. Арыгінальны тэкст  (рас.) В серебряном поле французского щита из синего облака выходит длань Господня, вооружённая стальным мечом, а под нею гербовая эмблема Мстиславского княжества, красный волк, повернутый влево.

Тым часам згодна з адзінай вядомай выявай гербу Амсьцілаўскага княства, што месьціцца ў Маскоўскім Тытулярніку (1672), ягоным геральдычным сымбалем была «Пагоня».

Літаратура

• Цітоў А. Геральдыка Беларускіх местаў / Маст. А. Бажэнаў. — Менск: «Полымя», 1998. — 287 с.: іл. ISBN 985-07-0131-5.