Гандлёвыя рады (Антопаль)

Помнік грамадзянскай архітэктуры
Гандлёвыя рады
Гандлёвыя рады, 1920-я гг.
Краіна	Беларусь
Мястэчка	Антопаль
Каардынаты	52°12′16″ пн. ш. 24°47′15″ у. д.
Архітэктурны стыль	клясыцызм
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Гандлёвыя рады на мапе Беларусі Гандлёвыя рады
Гандлёвыя рады на Вікісховішчы

Гандлёвыя рады — помнік архітэктуры XIX ст. у Антопалі. Знаходзіцца ў цэнтры мястэчка, на гістарычным Рынку. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Мураваныя гандлёвыя рады (крамы) у Антопалі збудавалі ў сярэдзіне XIX ст.

Архітэктура

Помнік архітэктуры клясыцызму. 1-павярховы будынак у пляне ўтварае замкнёны прастакутнік зь вялікім унутраным дваром плошчай каля 250 м². У цэнтры процілеглых падоўжных бакоў месьцяцца праезды. Два рады калёнаў дзеляць унутраную прастору будынка на тры пралёты. Інтэрвал паміж калёнамі вызначае памеры гандлёвай сэкцыі. Кожная зь іх перакрываецца 3-пралётным бочкападобным скляпеньнем. Функцыянальна сэкцыя складаецца з гандлёвай залі, прылаўка і складзкога памяшканьня. Гандлёвыя рады арыентуюцца на Рынак, а складзкія памяшканьні — ва ўнутраны гаспадарчы двор. Сьцены будынка на ўсім пэрымэтры праразаюцца лучковымі аконнымі праёмамі і завяршаюцца прафіляваным карнізам з сухарыкамі

Літаратура

• Збор помнікаў гісторыі і культуры Беларусі. Брэсцкая вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. Марцэлеў (гал. рэд.) і інш. — Менск: Беларус. Сав. Энцыклапедыя, 1984. — 368 с.: іл.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000180

• Гандлёвыя рады ў Антопалі, Globus.tut.by