Габрыель Томас
Габрые́ль Томас (па-ангельску: Gabrielle Thomas; 7 сьнежня 1996 году) — лёгкаатлетка ЗША, якая спэцыялізуецца на бегу на 100 і 200 мэтраў. Томас таксама мае ступень магістра аховы здароўя ў галіне эпідэміялёгіі. Мае брата-блізьнюка[4].
| Габрыель Томас | |
_on_July_25,_2024,_in_Saint-Gratien,_France_(cropped).jpg) | |
| Пэрсанальная інфармацыя | |
|---|---|
| Нарадзілася | 7 сьнежня 1996[1] (28 гадоў) |
| Грамадзянства | |
| Прафэсійная інфармацыя | |
| Спэцыялізацыя | лёгкаатлетка, нэўрабіёляг, спрынтар |
Кар’ера
рэдагавацьНавучаючыся ў Гарвардзкім унівэрсытэце, Томас выйграла 22 тытулы за тры гады ў шасьці розных відах, усталяваўшы рэкорды навучальнай установі і Лігі Блюшча на 100 мэтраў, 200 мэтраў і бегу ў памяшканьні на 60 мэтраў[5]. У кастрычніку 2018 году спартоўка набыла прафэсійны статус, склаўшы кантракт з New Balance і адмовіўшыся ад апошняга года навучаньня[6]. Пасьля Гарварду амэрыканка перабралася ў Остын[7].
.jpg)
У 2021 годзе МРТ выявіла пухліну ў печані, але яна апынулася дабраякаснай[8]. Спартоўка прадстаўляла ЗША ў бегу на 200 мэтраў на перанесеных летніх Алімпійскіх гульнях 2020 году ў Токіё[9]. Ейны час 21,61 сэкунды на Алімпійскіх выпрабаваньнях ЗША 26 чэрвеня 2021 году быў другім паводле хуткасьці ў гісторыі на той момант. Час зьдзівіў нават саму Томас. 3 жніўня 2021 году ў алімпійскім фінале бягуха здабыла бронзавы мэдаль, адолеўшы дыстанцыю з вынікам 21,87 сэкундаў, саступіўшы толькі Элэйн Томпсан-Гэра і Крыстын Мбома[10][11]. Праз тры дні ў складзе каманды ЗША, якая кваліфікавалася ў фінал эстафэты 4×100 мэтраў, Томас бегла на апошнім этапе і дапамагла дружыне заняць другі радок пасьля зборнай Ямайкі[11][12].
У сакавіку 2022 году Томас пачала сэзон на адкрытым паветры ў чэмпіянаце Тэхасу па лёгкаатлетычных эстафэтах, які ладзіўся ў Остыне. Спартоўка выступіла няблага. Пасьля яна прапусьціла кваліфікацыю на хатні чэмпіянат сьвету ў Юджыне, бо пашкодзіла падкаленнае сухажыла. 29 красавіка 2023 году на турніры ў Тэхасе усталявала асабісты рэкорд у бегу на 400 мэтраў з вынікам 49,68 сэкундаў[13]. 9 ліпеня Томас стала нацыянальнай чэмпіёнкай у спрынце на 200 мэтраў[14]. 25 жніўня атлетка стала ўладальніцай срэбранага мэдаля на чэмпіянаце сьвету 2023 году, адолеўшы дыстанцыю 200 мэтраў за 21,81 сэкунды. Яна апярэдзіла сваю суайчыньніцу Шакары Рычардсан, але саступіла дзейнай чэмпіёнцы ямайцы Шэрыкі Джэксан. На тым жа спаборніцтве здабыла залаты мэдаль у эстафэце 4×100 мэтраў.
29 чэрвеня 2024 году Томас прабілася праз адбор на летнія Алімпійскія гульні 2024 году ў Парыжы, здабыўшы перамогу ў забегу на 200 мэтраў на Алімпійскіх выпрабаваньнях ЗША з вынікам 21,81 сэкундаў[15]. Яна перамагла на дыстанцыі 200 мэтраў на заключным перадалімпійскай этапе Дыямэнтавай лігі ў Лёндане з вынікам 21,82 сэкундаў[16]. На Алімпійскіх гульнях яна здабыла залаты мэдаль у бегу на 200 мэтраў, адолеўшы дыстанцыю за 21,83 сэкундаў. Поруч з аднакамандніцамі стала пераможцай у эстафэце 4×100 м і 4×400 мэтраў.
Крыніцы
рэдагаваць- ^ а б Gabrielle Thomas // https://www.olympedia.org/athletes/147109
- ^ а б Fast lane: Gabby Thomas’ journey on the track continues with pro debut at New Balance Indoor Grand Prix
- ^ а б Gabby Thomas
- ^ Grabowski, Kyle (25.01.2019). «Fast lane: Gabby Thomas’ journey on the track continues with pro debut at New Balance Indoor Grand Prix». Daily Hampshire Gazette.
- ^ Azzi, Alex (27.06.2021). «Gabby Thomas’s atypical — but fast! — journey to the Tokyo Olympics». NBC Sports.
- ^ Walsh, Colleen (30.05.2019). «Harvard grad sprints to the finish, breaking NCAA record along the way». The Harvard Gazette.
- ^ «How training with 3-time Olympian Tonja Buford-Bailey has helped shape Gabby Thomas ahead of 2024 Olympics». Daily Hampshire Gazette.
- ^ Dragon, Tyler. «Gabby Thomas wins women’s 200 meters at U.S. Olympic trials in world-best time, Allyson Felix fails to qualify». USA Today.
- ^ Reid, Scott (25.06.2021). «Gabby Thomas runs world-best 200 at Olympic Trials». Orange County Register.
- ^ «Harvard grad Gabby Thomas wins bronze in women’s 200-meter final in Tokyo». CBS News.
- ^ а б Alford, Jovan C. (6.08.2021). «Jamaica wins women’s 4x100-meter relay in dominating fashion». DraftKings Nation.
- ^ «Gabby Thomas ’19 Wins Silver Medal With U.S. 4x100m Relay Team at 2020 Tokyo Olympics». Harvard University.
- ^ Smith, Gary (29.04.2023). «Gabby Thomas runs massive 49.68 PB to win 400m at Texas Invitational». World-Track.
- ^ Bregman, Scott (9.07.2023). «USA Track and Field Championships 2023: Gabby Thomas sets 200m world lead to grab title ahead of Sha’Carri Richardson». Olympics.com.
- ^ «U.S. Olympic Track And Field Trials Results Day 7». Flotrack.org.
- ^ «Gabrielle Thomas comes from behind to win women’s 200m at 2024 London Diamond League». Olympics.com.