Гаага
Гаа́га (па-нідэрляндзку: Den Haag / 's-Gravenhage, [dɛnˈɦaˑχ] / [ˈsχraˑvə(n)ˌɦaˑɣə]) — другое па велічыні места Нідэрляндаў з колькасьцю насельніцтва 534 158 чалавек (на 31 траўня 2018 году).
| Гаага | |||||
| нід. Den Haag | |||||
 Палац міру | |||||
| |||||
| Дата заснаваньня: | XIII стагодзьдзе | ||||
| Краіна: | Нідэрлянды | ||||
| Правінцыя: | Паўднёвая Галяндыя | ||||
| Бургамістар: | Паўлінэ Крыке | ||||
| Плошча: | 98,2 км² | ||||
| Насельніцтва (2018) | |||||
| колькасьць: | 534 158 чал. | ||||
| шчыльнасьць: | 5439,49 чал./км² | ||||
| Тэлефонны код: | 070 | ||||
| Паштовыя індэксы: | 2491—2599 | ||||
| Геаграфічныя каардынаты: | 52°4′48″ пн. ш. 4°18′36″ у. д. / 52.08° пн. ш. 4.31° у. д.Каардынаты: 52°4′48″ пн. ш. 4°18′36″ у. д. / 52.08° пн. ш. 4.31° у. д. | ||||
Гаага на мапе Нідэрляндаў   Гаага | |||||
 Галерэя здымкаў у Вікісховішчы
| |||||
| http://www.denhaag.nl | |||||
Гаага зьяўляецца адміністрацыйным цэнтрам правінцыі Паўднёвая Галяндыя і муніцыпалітэтам. У гэтым месьце разьмяшчаецца ўрад і парлямэнт краіны, а таксама рэзыдэнцыя манарха. Хаця Гаага не зьяўляецца сталіцай дзяржавы, статус які належыць Амстэрдаму, места ўсё адно выконвае частку сталічных функцыяў. У прыватнасьці, большая частка амбасадаў і міністэрстваў знаходзяцца ў Гаазе. Таксама места зьяўляецца цэнтрам для шматлікіх міжнародных арганізацыяў і кампаніяў.
Гісторыя назвы рэдагаваць
Мяркуецца, што назва месту пайшла ад выразу de Haag van de Graaf, што літаральна перакладаецца як «лес графа». У простай мове стала пашыранай назва Die Haghe ці Den Hag(h)e, аднак у афіцыйных дакумэнтах з XVII ст. выкарыстоўвалася назва 's-Gravenhage, якое лічылася больш мілагучным.
З 1990 году кіраўніцтва муніцыпалітэту стала пасьлядоўна выкарыстоўваць назву Den Haag замест 's-Gravenhage. Прычынамі сталі інтэнсіўная інтэрнацыяналізацыя места, а таксама жаданьне прывесьці імя зь іншамоўнымі назвамі (The Hague па-ангельску, La Haye па-француску, Den Haag па-нямецку, Haag па-нарвэску, па-швэдзку і па-дацку, L’Aia па-італійску й Гаага па-расейску, па-беларуску й па-ўкраінску).
Аднак ёсьць тэндэнцыя выкарыстаньня назвы 's-Gravenhage у афіцыйным справаводзтве менавіта муніцыпалітэту, а ня месту. Так, у пашпартах і ідэнтыфікацыйных картках жыхароў муніцыпалітэту пазначаецца такая назва.
Гісторыя рэдагаваць
Гаага была заснаваная ў 1230 годзе, калі граф Галяндыі Флёрыс IV пабудаваў малы замак на месцы, дзе цяпер знаходзіцца места. Сёньня на гэтым месцы можна ўбачыць палацавы комплекс Бінэнхоф (па-нідэрляндзку: Binnenhof). У 1248 годзе граф Вільгельм II, які й стаў Рымскім каралём, пачаў будаваць больш новы замак на беразе возера сярод выдмаў, цяпер гэта «Прыдворная сажалка» (па-нідэрляндзку: Hofvijver). Пасьля сьмерці Вільгельму, ягоны сын Флёрыс V скончыў пабудову замку, ў 19-м ст. названнага Рыцарскае залай (па-нідэрляндзку: Ridderzaal), якая была аздобленая пазалочаным дахам і дзьвюма вежамі.
Геаграфія рэдагаваць
У Гаазе налічваецца 8 раёнаў (stadsdelen), якія ў сваю чаргу падзеленыя на яшчэ меншыя «мікрараёны» (wijken).[1] У адрозьненьне ад Амстэрдаму і Ратэрдаму гарадзкія раёны ня маюць аніякіх палітычных функцыяў і ў іх рамках не праводзяцца выбары.
Крыніцы рэдагаваць
Вонкавыя спасылкі рэдагаваць
Гаага — сховішча мультымэдыйных матэрыялаў