Віцебскі сшытак

Ві́цебскі сшы́так — беларускі гістарычны навукова-папулярны часопіс.

Віцебскі сшытак
Тэматыка	пытаньні гісторыі і культуры
Пэрыядычнасьць	штогод
Краіна	Беларусь
Адрас	Беларусь, 210026. Віцебск, а/с № 34. vicebski.sshytak@tut.by
Заснавальнік	Віцебскі абласны краязнаўчы музэй, Віцебскае абласное краязнаўчае аб’яднаньне
Галоўны рэдактар	Людміла Хмяльніцкая
Дата заснаваньня	1995
Мова	беларуская
Аб’ём	каля 200 старонак
Афіцыйны сайт	facebook.com/vicebski.ss…

Гісторыя

Выходзіць з 1995 году ў Віцебску на беларускай мове з мэтай аднавіць традыцыі гісторыка-краязнаўчых выданьняў, што пачалі выходзіць з 19-га стагодзьдзя: «Nezabudka», «Rubon», «Полоцко-Витебская старина», «Z okolic Dźwiny» і «Віцебшчына». Заснавальнікі: Віцебскі абласны краязнаўчы музэй, Віцебскае абласное краязнаўчае аб’яднаньне.

Зьмест

Асьвятляе пытаньні гісторыі і культуры Віцебшчыны, публікуе малавядомыя факты, крыніцы па матэрыяльнай і духоўнай культуры рэгіёна. Кожны нумар прысьвячаецца асобнай тэме.

Тэмы Нумароў: першы нумар — Віцебскі езуіцкі калегіюм; другі нумар — 400-годзьдзе Берасьцейскай уніі (1596—1996) і 400-годзьдзе наданьня Віцебску магдэбурскага права (1597—1997); трэці нумар — Віцебшчына ў першай палове XIX стагодзьдзя; чацьвёрты нумар — Віцебшчына на мяжы XIX і XX стагодзьдзяў; пяты нумар — Шляхетскія рэзыдэнцыі Віцебшчыны.

Рубрыкі: «Archivum», «Imperium», «Logos», «Museum», «Opinio», «Persona», «Pro Memoria», "Pro Schularum, «Studium», «Urbis», «Допісы на палёх» і з № 5 «Latgale» прысьвечаная гісторыі Латгаліі, часткі Віцебскай губэрні з 1802 па 1917 год.

Галоўныя рэдактары

• Людміла Хмяльніцкая 1995.

Бібліяграфія

• Віцебскі сшытак : гістарычны навукова-папулярны часопіс / Людміла Хмяльніцкая. — Віцебск: Віцебскі абласны краязнаўчы музэй, Віцебскае абласное краязнаўчае аб’яднаньне., 1995. — Т. Вып. 1.. — 77 с.
• Віцебскі сшытак : гістарычны навукова-папулярны часопіс / Людміла Хмяльніцкая. — Віцебск: Віцебскі абласны краязнаўчы музэй, Віцебскае абласное краязнаўчае аб’яднаньне., 1996. — Т. Вып. 2.. — 134 с.
• Віцебскі сшытак : гістарычны навукова-папулярны часопіс / Людміла Хмяльніцкая. — Віцебск: Віцебскі абласны краязнаўчы музэй, Віцебскае абласное краязнаўчае аб’яднаньне., 1997. — Т. Вып. 3.. — 221 с.
• Віцебскі сшытак : гістарычны навукова-папулярны часопіс / Людміла Хмяльніцкая. — Віцебск: Віцебскі абласны краязнаўчы музэй, Віцебскае абласное краязнаўчае аб’яднаньне., 2000. — Т. Вып. 4.. — 222 с.
• Віцебскі сшытак : гістарычны навукова-папулярны альманах / Людміла Хмяльніцкая. — Віцебск: Віцебскі абласны краязнаўчы музэй, Віцебскае абласное краязнаўчае аб’яднаньне., 2017. — Т. Вып. 5.. — 184 с.

Літаратура

• Л. У. Хмяльніцкая. «Віцебскі сшытак». Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1997. — Т. 4: Варанецкі — Гальфстрым. — 480 с. — ISBN 985-11-0090-0 — С. 232.

Вонкавыя спасылкі

• «Віцебская абласная бібліятэка». Гістарычны навукова-папулярны часопіс «Віцебскі сшытак»
• Віцебскі сшытак — Facebook