Вілем Мэнгельбэрг
Ві́лем Мэ́нгельбэрг (Willem/Joseph Wilhelm Mengelberg; 28 сакавіка 1871 — 22 сакавіка 1951) — нідэрляндзкі дырыгент.
| Вілем Мэнгельбэрг | |
.jpg) | |
| Імя пры нараджэньні | па-ангельску: Joseph Wilhelm Mengelberg па-нямецку: Jozef Willem Mengelberg па-ангельску: Joseph William Mengelberg |
|---|---|
| Нарадзіўся | 28 сакавіка 1871[1][2][3][…] |
| Памёр | 22 сакавіка 1951[1][3][6][…] (79 гадоў) |
| Пахаваны | |
| Жанр | клясычная музыка |
| Прэміі |           |
Біяграфія
рэдагавацьНарадзіўся ўва Утрэхце (Нідэрлянды), быў чацьвертым з 16 дзяцей у бацькоў нямецкага паходжаньня. Навучаўся ў Кёльнскай кансэрваторыі.
Мэнгельбэрг здабыў сусьветную вядомасьць як галоўны дырыгент Каралеўскага аркестру Канцэртгебаў у пэрыяд ад 1895 да 1945 году. У 1902 годзе ён пазнаёміўся з Малерам, быў ягоным добрым сябрам і прапагандаваў ягоныя творы ў Нідэрляндах. Малер часта бываў у Галяндыі на прэм’ерах сваіх твораў і нават уносіў зьмяненьні ў некаторыя зь іх, каб прыстасаваць сваю музыку да акустыкі Канцэртгебаў. У 1920 годзе, сьвяткуючы 25-годзьдзе ўзначальваньня Аркестру Канцэртгебаў, Мэнгельбэрг арганізаваў Фэстываль музыкі Малера (Mahlerfeest) у Амстэрдаме. Гэта была ўнікальная падзея сусьветнага маштабу, калі на працягу 10 дзён у адным горадзе, адным аркестрам і адным дырыжорам былі выкананыя ўсе сымфанічныя творы Малера.
Мэнгельбэрг вядомы таксама як цудоўны інтэрпрэтатар твораў Рыхарда Штраўса, Бэтговэна, Брамса, Чайкоўскага. Ягоны стыль вызначаўся надзвычайнай экспрэсіўнасьцю і тэмпавай вольнасьцю, насычаным гучаньнем аркестру. У працэсе работы над тым ці іншым творам ён дазваляў сабе ўносіць зьмяненьні ў арыгінальныя тэксты кампазытараў.
Праз тое, што Мэнгельбэрг працягваў сваю працу ў час Другой cусьветнай вайны, супрацоўнічаючы з акупацыйным рэжымам, у 1945 годзе яму была забароненая дырыжорская дзейнасьць у Нідэрляндах. Апошнія 6 гадоў жыцьця правёў у Швайцарыі.
Крыніцы
рэдагаваць- ^ а б Joseph Wilhelm Mengelberg // Biografisch Portaal — 2009.
- ^ Willem Mengelberg // Encyclopædia Britannica (анг.)
- ^ а б в г Catalogus Professorum Academiae Rheno-Traiectinae
- ^ Onze Musici (нід.) — Rotterdam: Nijgh & Van Ditmar, 1911. — вып. 2. — С. 142. — 300 с.
- ^ а б Архіў гістарычных запісаў — 1808.
- ^ Josef Willem Mengelberg // Энцыкляпэдыя Бракгаўза (ням.)
Вонкавыя спасылкі
рэдагаваць- Кароткая біяграфія з фатаздымкамі (анг.)
- Дыскаграфія (анг.)