Вялікі ратны востраў

Вялікі ратны востраў (па-сэрбску: Велико ратно острво) — рачны востраў у Бялградзе, Сэрбія, пры зьліцьці рэк Сава і Дунай. Належыць да абшчыны Зэмун.

Вялікі ратны востраў
Плошча	2,11 км²
Краіна	Сэрбія
Вобласьць	Бялград
Каардынаты	44° пн. ш. 20° у. д. / 44; 20
Вялікі ратны востраў на мапе Сэрбіі Вялікі ратны востраў

Вялікі ратны востраў мае прыкладна трохкутную форму і займае плошчу 2,11 км². Рэльеф раўнінны, у значнай ступені багністы, часта затоплены ракой.

Расьліннасьць востраву тыпова балотная, тым ліку чарот і сітнік, аднак ёсьць і дрэвы — таполя, ясень, бузіна, глог і нават некаторыя рэдкія іглічныя пароды.

Востраў атрымаў сваю назву з-за неаднаразовага выкарыстаньня ў ваенных мэтах. Падчас турэцкай аблогі 1521 туркі разьмясьцілі на востраве сваю артылерыю для абстрэлу крапасных муроў. У 1806 годзе паўстанцы Карагеоргія менавіта адсюль пачалі атаку на горад. У 1915 годзе аўстра-вугорскія войскі выкарыстоўвалі востраў як пляцдарм для штурму гораду.

Глядзіце таксама

• Малы ратны востраў

Вонкавыя спасылкі

• Путопис са Великог ратног острва  (сэрб.)

Панарама Малога (зьлева) і Вялікага ратнага востраву