Вэсьлі Снэйдэр

**Вэсьлі Снэйдэр**
	Вэсьлі Снэйдэр
Пэрсанальная інфармацыя
Нарадзіўся	9 чэрвеня 1984 (40 гадоў); Utrecht[d], Утрэхт, Нідэрлянды;
Рост	170 см
Вага	67 кг
Пазыцыя	паўабаронца
Клюбы
Зборныя

Вэсьлі Снэйдэр (па-нідэрляндзку: Wesley Sneijder; нарадзіўся 9 чэрвеня 1984 году, Утрэхт, Нідэрлянды) — былы нідэрляндзкі футбаліст, паўабаронца. На сваім рахунку мае больў за сто матчаў у складзе нацыянальнай зборнай Нідэрляндаў. Ён быў названы УЭФА адным з трох найлепшых паўабаронцаў у сьвеце за 2010 год паводле вэрсіі ФІФА.

Кар’ера

Клюбная

Футболам пачаў займацца ў амстэрдамскай моладзёвай акадэміі «Аякс». Выступаючы за юнацкую каманду, Снэйдэр змог зарэкамэндаваць сябе перад трэнэрам. Дэбют футбаліста ў складзе «Аяксу» адбыўся 22 сьнежня 2002 году ў матчы супраць клюбу «Эксэльсіёр» (2:0). Пасьля гэтага Снэйдэр змог даволі хутка замацавацца ў асноўным складзе сваёй каманды.

За пяць сэзонаў, праведзеных у Галяндыі, паўабаронца адзін раз станавіўся чэмпіёнам краіны (2002), двойчы выйграваў кубак (2006, 2007) і тройчы станавіўся ўладальнікам Супэркубка Нідэрляндаў (2002, 2005, 2006). Усяго ў складзе «Аяксу» Снэйдэр правёў 126 матчаў, у якіх 43 разы пабіваў браму супернікаў. У 2003 годзе быў прызнаны самым таленавітым спартсмэнам Амстэрдаму. У сэзоне 2006—2007 гадоў Снэйдэр забіў за «Аякс» 18 галоў, і якасьцю сваёй гульні зьвярнуў увагу сэлекцыянэраў «Рэалу». У выніку 12 жніўня 2007 году футбаліст быў прадстаўлены ў якасьці гульца мадрыдзкага клюбу. Пераход Снэйдэра абыйшоўся ў 27 мільёнаў эўра, а сам футбаліст стаў другім у сьпісе самых дарагіх галяндзкіх гульцоў. Ён змог замацавацца ў складзе «Рэалу» правёўшы 30 гульняў і забіўшы 9 галоў.

Правёўшы яшчэ адзін сэзон у «Рэале», улетку 2009 году Снэйдэр быў вымушаны пакінуць каманду. Пасьля доўгіх угавораў Вэсьлі ўсё ж такі пакінуў Мадрыд і пераехаў у мілянскі «Інтэр» за трансфэрны кошт роўны 15 млн эўра. У новым клюбе Снэйдэр стаў важнай часткай каманды і дапамог ёй выйграць усе трафэі ў 2009—2010 гадох, як то Чэмпіянат Італіі, Кубак Італіі і Лігу чэмпіёнаў. 20 студзеня 2013 году Вэсьлі перайшоў у склад турэцкага клюбу «Галатасарай» за 7,5 мільёну эўра.

Міжнародная

У нацыянальную зборную Нідэрляндаў Снэйдэр пачаў прыцягвацца з 2003 году. Дэбютны матч паўабаронцы адбыўся ў красавіку супраць каманды Партугаліі. Пасьля гэтага футбаліст стаў рэгулярна атрымліваць запрашэньні ў нацыянальную каманду. Снэйдэр прымаў удзел на чэмпіянаце сьвету 2006 году (5 матчаў, 1 жоўтая картка). У адборачнай кампаніі чэмпіянату Эўропы 2008 Снэйдэр згуляў 10 матчаў і забіў 2 галы. На самім жа Эўра ён быў прызнаны адным з найлепшых гульцоў — ён згуляў усе матчы сваёй каманды і адзначыўся некалькімі галамі ў брамы зборных Францыі і Італіі. Снэйдэр бліснуў і на Чэмпіянаце сьвету 2010 году ў складзе зборнай Нідэрляндаў.

Дасягненьні

Снэйдэр разам з Джонам Гэйтынгам на чэмпіянаце сьвету 2010 году.

«Аякс»:

Чэмпіён Нідэрляндаў: 2004
Уладальнік Кубка Нідэрляндаў: 2006, 2007
Уладальнік Супэркубка Нідэрляндаў: 2006

«Рэал»:

Чэмпіён Гішпаніі: 2008

«Інтэрнацыянале»:

Чэмпіён Італіі: 2010
Уладальнік Кубка Італіі: 2010, 2011
Уладальнік Супэркубка Італіі: 2010
Пераможца Лігі чэмпіёнаў: 2010
Пераможца клюбнага чэмпіянату сьвету: 2010

«Галатасарай»:

Чэмпіён Турэччыны: 2013, 2015
Уладальнік Кубка Турэччыны: 2014, 2015, 2016
Уладальнік Супэркубка Турэччыны: 2013, 2015, 2016

«Аль-Гарафа»:

Уладальнік Кубка зорак Катару: 2019

Крыніцы

^ ^а ^б ^в Wesley Sneijder // Transfermarkt (мн.) — 2000.
^ ^а ^б ^в WESLEY SNEIJDER // Argentine Soccer Database (гішп.)
^ ^а ^б ^в Wesley Sneijder // As (гішп.) — Madrid: PRISA, 1967. — ISSN 1888-6671
^ ^а ^б Voetbalstats
^ ^а ^б National-Football-Teams.com (анг.)

Вонкавыя спасылкі

Вэсьлі Снэйдэр — сховішча мультымэдыйных матэрыялаў

[_a41e102d96da7ced-1] а ^б ^в Wesley Sneijder // Transfermarkt (мн.) — 2000.

[_71f70b7328d5e051-2] а ^б ^в WESLEY SNEIJDER // Argentine Soccer Database (гішп.)

[_15b03df257f5e763-3] а ^б ^в Wesley Sneijder // As (гішп.) — Madrid: PRISA, 1967. — ISSN 1888-6671

[_47629fd70dd13112-4] а ^б Voetbalstats

[_dc11166af642c648-5] а ^б National-Football-Teams.com (анг.)

[1]

[2]

[3]

[4]

[5]

Пэрсанальная інфармацыя
Вэсьлі Снэйдэр

Нарадзіўся	9 чэрвеня 1984(1984-06-09)^[1]^[2]^[3] (40 гадоў) Utrecht^[d], Утрэхт, Нідэрлянды^[4]^[5]
Рост	170 см
Вага	67 кг
Пазыцыя	паўабаронца
Клюбы
Гады	Клюб	Гульні (галы)¹
2003—2007 2007—2009 2009—2013 2013—2017 2017—2018 2018—2019	Аякс Рэал Мадрыд Інтэрнацыянале Галатасарай Ніцца Аль-Гарафа	131 (45) 52 (11) 76 (13) 124 (35) 5 (0) 21 (14)
Зборныя
2003—2018	Нідэрлянды	134 (30)