Воўчын (возера)

Возера Воўчын Краіна Беларусь Плошча 0,53 км² Плошча вадазбору 3,68 км² Максымальная глыбіня 32,9 м Найбольшая даўжыня 1,8 км Найбольшая шырыня 0,45 км Даўжыня берагавой лініі 4,29 км Аб’ём вады 7,87 млн. м³ Каардынаты 55°0′5″ пн. ш. 26°52′25″ у. д. Воўчын на мапе Беларусі ± Воўчын Воўчын

Во́ўчын (Воўчына) — возера ў Мядзельскім раёне Менскай вобласьці. Разьмешчанае за 12 км на поўнач ад Мядзелу каля вёскі Кабайлы, на поўначы ад возера Мядзелу. Належыць да групы Мядзельскіх азёр.

Знаходзіцца ў басэйне ракі Мядзелкі. Плошча возера складае 0,53 км². Найбольшая глыбіня возера — 32,9 м. Даўжыня Воўчыну складае 1,8 км, найбольшая шырыня — 0,45 км. Даўжыня берагавой лініі — 4,29 км. Аб’ём вады ў возеры складае 7,87 м³, плошча вадазбору возера — 3,68 км².

Схілы катлавіны возера маюць вышыню 10—15 мэтраў, на поўначы — 4—5 мэтраў. Схілы парослыя лесам і хмызьняком, месцамі разараныя. Берагі возера высокія, але ў паўночным заліве нізкія і забалочаныя.

Мелкаводная зона возера вузкая, пяшчаная. Падводная расьліннасьць пашыраная да глыбіні 1—4 мэтраў, надводная адсутнічае.

На паўднёвым захадзе ў возера ўпадае ручай. На паўночным усходзе з возера выцякае ручаіна ў раку Мядзелку.

Воўчын мае выцягнутую з поўдня на поўнач форму і ляжыць паміж узгоркамі. Пры адносна невялікай плошчы ў возеры сканцэнтраваны вялікі аб’ём вады, пры гэтым якасьць вады зьяўляецца дастаткова высокай. Празрыстасьць возера дасягае 4,5—5 мэтраў, а ў зімовы час бывае яшчэ вышэйшая.

У возеры сустракаецца рыба: карасі, чырвонапёрка, гусьцера, вукляя, пескары, налімы. Таксама вядомыя выпадкі вылоўліваньня сомаў, але яны адбыліся параўнальна даўно.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 105