Восень

Восень — адна з чатырох часоў году паміж летам і зімою. Складаецца з трох месяцаў: у паўночным паўшар’і — верасьня, кастрычніка і лістапада, у паўднёвым — сакавіка, красавіка і траўня.

Восеньскі краявід

У адрозненьне ад каляндарнай, астранамічная восень надыходзіць пазьней — падчас восеньскага раўнадзенства 22 або 23 верасьня (у паўночным паўшар’і) або 20 або 21 сакавіка (у паўднёвым паўшар’і) і працягваецца да зімовага сонцастаяньня (21 або 22 сьнежня у паўночным паўшар’і, 20 або 21 чэрвеня у паўднёвым паўшар’і).