Вербалоз

Вербалоз (па-лацінску: Salix pentandra; іншая назва вярба пяцітычынкавая) — лістападнае дрэва ці куст роду вярба сямейства вярбовых.

Вербалоз
Клясыфікацыя
Царства	Расьліны
Аддзел	Пакрытанасенныя
Кляса	Двудольныя
Атрад	Мальпігіякветныя
Сямейства	Вярбовыя
Род	Вярба
Від	Вербалоз
Бінамінальная намэнклятура
Salix pentandra
Вербалоз на Віківідах  Вербалоз у Вікісховішчы ITIS 22566 · NCBI 75715

Батанічнае апісаньне

Батанічнае аздабленьне кнігі К. А. М. Ліндмана «Bilder ur Nordens Flora», 1917—1926

Лісьце вербалозу

Кветкі вербалозу

Дрэва вышынёю да 15 м, куст — да 3—5 м. Кара цёмна-бурая, бліскучая. Крона разьвесістая, галінкі доўгія, гнуткія. Лісьце шчыльнае, шырокалянцэтнае або яйкападобна-прадаўгаватае. Кветкі ў каташках, якія цьвітуць пасьля распусканьня лісьця. Плод — каробачка.

Вербалоз хутка расьце, непатрабавальны да глебы.

Распаўсюджаньне

Пашыраны на ўсёй Беларусі: у сырых лясах, на берагах ручаёў і азёраў, на балотах, вільготных лугах. Цьвіце ў траўні-чэрвені.

Выкарыстаньне

Зьяўляецца добрым позьнім меданосам. Кара ідзе на здабываньне саліцыну й для вырабу (зьмест танідаў 5,6—10,3%). Зь лісьця здабываюць жоўтую фарбу. Пруць прыдатны на грубае пляценьне. Дэкаратыўная расьліна, ужываецца для абсаджваньня плацін і азеляненьні вуліц. Драўніна шчыльней, чым у іншых відаў, ідзе на паліва й на вырабы.

Вонкавыя спасылкі

Вербалоз — сховішча мультымэдыйных матэрыялаў