Ваяводзіна Новы Сад

сэрбскі футбольны клюб

«Ваяводзіна» (па-сэрбску: Vojvodina) — сэрбскі футбольны клюб з гораду Новы Сад. Заснаваны ў 1914 годзе. Двухразовы чэмпіён Югаславіі, уладальнік Кубка Сэрбіі (2014). Улічваючы, што каманда базуецца ў другім паводле велічыні горадзе краіны, «Ваяводзіна» ёсьць адным з самых папулярных клюбаў краіны. Без уліку сталічнага «Партызана» і «Црвены Зьвезды» дружына з Новага Сада ёсьць самай пасьпяховых у Сэрбіі. У склад клюбу ўваходзіць ня толькі футбольная каманда, але яшчэ баскетбол ьная, валейбольная, гандбольная дружыны ды іншыя каманды іншых відаў спорту.

Ваяводзіна
Поўная назва Fudbalski klub Vojvodina
Заснаваны 6 сакавіка 1914
Горад Новы Сад, Сэрбія
Стадыён Караджорджэ
Умяшчальнасьць: 15 000[1]
Галоўны трэнэр
Чэмпіянат Супэрліга
 · 2023—2024 4 месца
Галерэя здымкаў у Вікісховішчы
fkvojvodina.rs (сэрб.)​ (анг.)

Гісторыя

рэдагаваць

Клюб паўстаў 6 сакавіка 1914 году дзякуючы намаганьням вучнам сэрбскай праваслаўнай сярэдняй школы і інтэлектуалаў. Стварэньне арганізацыі было пад сакрэтам, бо аўстра-вугорскія ўлады забаранялі праводзіць вялікія сходы моладзі у рэгіёне Ваяводзіны, якая насялялася ў асноўным сэрбамі[3]. Клюб пераняў назву «Ваяводзіна» ў гонар назвы колішняй сэрбскай аўтаноміі Сэрбскай Ваяводзіны, дзе, прынамсі, на паперы, сэрбы атрымалі тыя ж правы, што і ўсе іншыя грамадзяне імпэрыі Габсбургаў. Самая ж назва Ваяводзіна паходзіць ад слова ваявода.

Сярод фундаратараў клюбу былі будучы тэкстыльны прамысловец Міленка Ш’якаў, будучы прафэсар Уладзімер Мілічавіч, будучы хімік Міленка Хініч, будучыя праўнікі Радэнка Ракіч і Камэнка Чырыч, будучы лекар Яў Коста Хаджы, а таксама Гойка Тошыч, Джорджэ Жыванаў і Бранка Гаспаджыначкі. Новаствораны клюб свой першы матч згуляў у вёсцы Ковіль супраць мясцовага клюбу «Шайкаш». «Ваяводзіна» выступала ў блакітных кашулях і белых шортах, і перамагла зь лікам 5:0. Гульцы дружыны ў большасьці былі студэнтамі, якія прыехалі на летні адпачынак з Прагі, таму згулялі толькі адзін матч. Неўзабаве пачалася Першая сусьветная вайна і аўстра-вугорскія ўлады забаранілі ўсе сэрбскія арганізацыі ў Новым Садзе, у тым ліку і скасавала дзейнасьць «Ваяводзіны»[4].

Па вайне «Ваяводзіна» аднавіла сваю дзейнасьць дзякуючы энтузіязму сэрбскіх студэнтаў Прагі. Клюб фінансаваўся выключна ўнёскамі сябраў і шчодрымі ўкладаньнямі, якія зрабілі Макс Грын, Дака Попавіч, браты Новакавічы, Ілія Балабушыч і сям’я Дунджэрскіх. Частка гульцоў і кіраўніцтва «Ваяводзіны», якія вучыліся ў Празе, таксама былі сябрамі футбольнага клюбу «Славія». Чэскі клюб падтрымаў сяброў ваяводзінскага клюбу ў цяжкія часы да і падчас Першай сусьветнай вайны і зрабіў важкі ўнёсак у разьвіцьцё сэрбскае каманды. У 1920 годзе быў прывезены з Прагі першы пакунак чырвона-белых кашуляў. На пасяджэньні клюбнае рады, якая ладзілася 23 ліпеня 1922 году, было пастаноўлена, што чырвоныя і белыя колеры мусяць быць прысутнымі на кашулях каманды ў гонар праскай «Славіі».

Актуальны на 11 лютага 2024 году
Пазыцыя Імя Год нараджэньня
2   Аб Марка Бекавіч 2000
3   Аб Сініша Таньга 2004
4   Аб Гурам Гіярбэлідзэ 1996
5   Аб Джорджэ Црнамаркавіч 1993
6   Аб Сэід Корач 2001
7   ПА Радамір Міласаўлевіч 1992
8   Аб Стэфан Джорджавіч 1991
10   ПА Дэян Зукіч 2001
11   Нап Міхайла Іванавіч 2004
12   Бр Драган Росіч 1996
15   Аб Ігар Елічыч 2000
16   ПА Асьмір Каевіч 1990
17   ПА Лазар Яванавіч 2006
18   ПА Негаш Петравіч (ар. Гранада) 1999
19   Нап Жанатан Балінгі 1994
20   ПА Ураш Нікаліч 1993
Пазыцыя Імя Год нараджэньня
23   ПА Матэўс Індыю (ар. Віторыя Г.) 1999
25   Бр Лазар Царавіч 1999
26   ПА Вукан Савічавіч 1994
27   Нап Пэтар Сукачаў 2005
28   Нап Норман Кэмпбэл 1999
29   Нап Філіп Малбашыч (капітан) 1992
30   Аб Стэфан Букінац 2005
31   Нап Мілан Ковачаў 2005
36   Бр Андрэй Борак 2005
38   Аб Лука Дробняк 2004
47   ПА Міхайла Бутракавіч 2006
49   Нап Андрыя Радулавіч 2002
50   Аб Мілан Лазаравіч 1997
92   Нап Алекса Вуканавіч 1992
99   Нап Іван Вукчавіч 2001

Вонкавыя спасылкі

рэдагаваць