Валеры Гарбачык
Валеры Гарбачык (нарадзіўся 19 студзеня 1995 году) — беларускі футбаліст, нападнік расейскага клюбу «Чалябінск».
| Валеры Гарбачык | ||
| Пэрсанальная інфармацыя | ||
|---|---|---|
| Нарадзіўся | 19 студзеня 1995[1] (29 гадоў) | |
| Рост | 184 см | |
| Вага | 78 кг[3] | |
| Пазыцыя | нападнік | |
| Клюбная інфармацыя | ||
| Клюб | Чалябінск[d] | |
| Клюбы | ||
| Гады | Клюб | Гульні (галы)¹ |
| 2013—2016 | Дынама Менск | 0 (0) |
| 2015 | → Бяроза-2010 | 28 (12) |
| 2016 | → Смалявічы | 25 (8) |
| 2017—2018 | Смалявічы | 45 (20) |
| 2018—2021 | Тарпэда-БелАЗ | 58 (14) |
| 2020 | → Ліепая | 9 (3) |
| 2021 | Іслач | 12 (1) |
| 2022—2023 | Тарпэда-БелАЗ | 53 (15) |
| 2024— | Чалябінск[d] | |
| Зборныя | ||
| 2013 | Беларусь (да 19)[d] | |
| 2014 | Беларусь (да 21) | 3 (0) |
Кар’ера
рэдагавацьКлюбная
рэдагавацьВыхаванец менскага «Дынама». З 2011 году пачаў выступаць за дубль, у той час выступаючы на пазыцыі абаронцы. У 2013 годзе прыцягваўся да асноўнай каманды дынамаўцаў, аднак гэтак і не згуляў за яе. Сэзон 2015 году правёў у арэндзе ў «Бярозе-2010» у Першай лізе, дзе стаў выкарыстоўвацца ў якасьці нападніка. Па заканчэньні сэзону «Бяроза-2010» спыніла існаваньне, і ў пачатку 2016 году Гарбачык рыхтаваўся да новага сэзону з асноўнай камандай «Дынама», аднак у сакавіку 2016 году быў аддадзены ў арэнду клюбу «Смалявічы-СТІ»[4].
У сэзоне 2017 году стаў гульцом смалявіцкай каманды ўжо на трывалай аснове. З 15 галамі стаў адным з найлепшых бамбардзіраў у Першай лізе і дапамог камандзе выйсьці ў Найвышэйшую лігу. У сьнежні 2017 году падоўжыў кантракт з клюбам[5]. У пачатку 2018 году стаў капітанам каманды, якая зьмяніла назву на «Смалявічы». У жніўні 2018 году перайшоў у жодзінскае «Тарпэда-БелАЗ»[6], дзе таксама стаў асноўным нападнікам. У ліпені 2020 году быў аддадзены ў арэнду ў латвійскі клюб «Ліепая»[7].
У сакавіку 2021 году, пакінуўшы «Ліепаю» па заканчэньні арэнды, стаў трэнавацца з «Тарпэда-БелАЗ», аднаўляючыся ад траўмы[8], і неўзабаве быў заяўлены за каманду[9]. Згуляўшы за жодзінцаў у трох матчах чэмпіянату Беларусі. У ліпені 2021 году паводле пагадненьня бакоў пакінуў клюб[10] і ў хуткім часе далучыўся да «Іслачы»[11], дзе замацаваўся ў складзе. У студзені 2022 году вярнуўся ў «Тарпэда-БелАЗ»[12]. У 2022 і 2023 гадах быў найлепшым бамбардзірам каманды ў чэмпіянаце Беларусі. У студзені 2024 году па заканчэньні кантракту пакінуў жодзінскі клюб[13] і неўзабаве стаў гульцом расейскага «Чалябінску»[14].
Міжнародная
рэдагавацьВыступаў за юнацкія і моладзевую зборныя Беларусі.
Дасягненьні
рэдагаваць- Уладальнік Кубка Латвіі: 2020
- Бронзавы прызэр чэмпіянату Беларусі: 2023
- Уладальнік Кубка Беларусі: 2023
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Смалявічы | 2017 | Першая ліга | 29 | 15 |
| 2018 | Найвышэйшая ліга | 16 | 5 | |
| Тарпэда-БелАЗ | 14 | 4 | ||
Крыніцы
рэдагаваць- ^ а б в Valeri Gorbachik // Transfermarkt (мн.) — 2000.
- ^ а б https://www.transfermarkt.com/valeriy-gorbachik/profil/spieler/255359
- ^ а б https://www.pressball.by/footballstat/valery_gorbachik/
- ^ «Минск» арендовал Карповича, «Смолевичи-СТИ» – Горбачика
- ^ Чикида, Василенок, Горбачик, Степанов и Гомелько продлили контракты со «Смолевичи-СТИ»
- ^ Лучший бомбардир "Смолевичей" перешел в "Торпедо-БелАЗ"
- ^ Горбачик переходит в «Лиепаю» на правах аренды
- ^ Футбол. Валерий Горбачик тренируется по индивидуальной программе в расположении "Торпедо-БелАЗ" Праверана 1 красавіка 2021 г. Архіўная копія ад 25 красавіка 2021 г.
- ^ "Торпедо-БелАЗ" внесло в заявку Горбачика
- ^ Валерий Горбачик покинул "Торпедо-БелАЗ"
- ^ Валерий Горбачик перешел в "Ислочь"
- ^ Форвард "Ислочи" вернулся в жодинское "Торпедо"
- ^ Лучший бомбардир "Торпедо-БелАЗа" покинул команду (рас.)
- ^ Валерий Горбачик подписал контракт с "Челябинском" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)