Валеры Пазднякоў

Валеры Сямёнавіч Пазднякоў (нар. 6 лютага 1963, места Вялейка) — беларускі археоляг, гісторык. Кандыдат гістарычных навук (1991).

Валеры Пазднякоў
Дата нараджэньня	6 лютага 1963(1963-02-06) (61 год)
Месца нараджэньня	Вялейка, Менская вобласьць, БССР, СССР
Месца вучобы	БДУ (1985)
Занятак	археоляг, гісторык, рэдактар
Навуковая сфэра	археалёгія, гісторыя і рэдагаваньне[d]
Месца працы	Інстытут гісторыі НАН Беларусі Беларуская энцыкляпэдыя імя Петруся Броўкі Беларускі навукова-дасьледчы інстытут дакумэнтазнаўства і архіўнай справы
Сябра ў	Археаграфічная камісія Дэпартамента па архівах і справаводстве Міністэрства юстыцыі Беларусі[d]
Навуковая ступень	кандыдат гістарычных навук (1992)
Узнагароды	Ганаровы архівіст Беларусі[d] (2016)

Біяграфія

Скончыў БДУ (1985). Навучаўся ў асьпірантуре Інстытуту гісторыі АН БССР (1985—1988), працаваў тамака малодшым навуковым супрацоўнікам (1988—1993), навуковым супрацоўнікам (1993—1994). З 1994 у выдавецтве «Беларуская энцыкляпэдыя імя Петруся Броўкі», навуковы рэдактар, з 1997 вядучы навуковы рэдактар.

Праводзіў археалягічныя раскопкі фэўдальнага Клецку (1986—1990), абсьледаваньні помнікаў Клецкага (1986, 1991) і Нясьвіскага (1991—1992) раёнаў, абсьледаваньні і нагляд за землянымі работамі ў Пінску (1992—1993). Удзельнічаў у раскопках Менску, Віцебску, Турава, Наваградку і інш.

Навуковая дзейнасьць

Сфэра навуковых інтарэсаў — гісторыя матэрыяльнай культуры фэўдальнай Беларусі, праблемы этнічнай гісторыі, генэалёгіі, гістарычнай геаграфіі.

• «Клецк X—XVIII стст. (Гісторыя матэрыяльнай культуры беларускага феадальнага горада)», кандыдацкая дысертацыя (1991).

Вонкавыя спасылкі

• Вялейскі гісторык(недаступная спасылка) на Vilejka.org