Бядрынец

род расьлінаў

Бядры́нец (па-лацінску: Pimpinélla) — род шматгадовых, рэдка двух- ці аднагадовых траваў сямейства парасонавых (Apiaceae).

Бядрынец
Anise2000px.JPG
Бядрынец аныжавы
Маладыя расьліны
Клясыфікацыя
Надцарства Эўкарыёты
Царства Расьліны
Аддзел Кветкавыя расьліны
Кляса Двухдольныя
Парадак Парасонакветныя
Сямейства Парасонавыя
Віды Бядрынец каменаломнікавы (Pimpinella saxifraga)
Бінамінальная намэнклятура
Pimpinella L., 1753
ITIS 29821 ·

Распаўсюджаньне і экалёгіяРэдагаваць

Распаўсюджаны ў трапічных, субтрапічных і умераных абласьцёх Эўропы, Азіі, Афрыкі і некалькі відаў — у Амэрыцы.

Шырока распаўсюджаны Бядрынец каменаломнікавы (Pimpinella saxifraga), расьце на лугах, узьлесках, уздоўж дарог і палёў.

Біялягічнае апісаньнеРэдагаваць

Шматгадовыя, часам драўнеючы пры аснове, рэдка двухгадовыя і аднагадовыя травы, абшытыя або голыя.

Лісьце простае ці двойчы-, тройчыпёркавае.

Кветкі двохродавыя. Пялёсткі аднолькавыя, голыя, белыя, рэдка ружовыя або баграныя. Суквецьці — складаныя парасонікі без абгортак. Чашалісточкі незаўважныя, пялёсткі адваротнаяйкападобныя з загнутай сярэдняй долькай.

Плод — яйкападобны-кулепадобны ці даўгавата-яйкападобны, часта зьлёгку сьціснуты з бакоў, зь ніцепадобнымі рэбрамі і 2—3 алееноснымі хадамі пад кожнай долькай і некалькімі хадамі пад камісуральнай плоскасьцю; бялок насеньня на камісуральным баку просты.

Значэньне і прымяненьнеРэдагаваць

Маладое лісьце бядрынцу прыдатнае для салатаў, карані выкарыстоўваюць як закрасу да ежы, плады — як спэцыю.

Пашавы корм для скаціны.

З насеньня бядрынца аныжавага (Pimpinella anisum) атрымліваюць этэрны алей.

Мёдадайная расьліна.

КлясыфікацыяРэдагаваць

ВідыРэдагаваць

Паводле інфармацыі базы зьвестак The Plant List, род улучае 106 відаў, статус яшчэ болей за 300 відаў (на кастрычнік 2016 году) ня вызначаны[1]. Некаторыя зь іх:

Віды, статус якіх у базе зьвестак The Plant List ня вызначаны:

Віды, прызнаныя сынонімамі:

ТаксаноміяРэдагаваць

Род Бядрынец уваходзіць у сямейства парасонавых (Apiaceae) парадку парасонакветных (Apiales).

КрыніцыРэдагаваць

  1. ^ Pimpinella(анг.). The Plant List. Version 1.1. (2013). Праверана 1 кастрычніка 2016 г.

Вонкавыя спасылкіРэдагаваць

  Бядрынецсховішча мультымэдыйных матэрыялаў