Бурачок (часопіс)
«Бурачок» — самвыдавецкі грамадзка-палітычны часопіс, выдаваўся ў 1986—1987. На працягу двух гадоў выйшла 3 нумары.
| Бурачок | |
| Адрас | Менск |
|---|---|
| Дата заснаваньня | 1986 |
У выпуску часопіса бралі ўдзел: Алесь Бяляцкі, Вінцук Вячорка, Сяргей Дубавец, Віктар Івашкевіч і інш.
Рэдакцыя склала сьпіс людзей, якія б маглі, на думку выдаўцоў, ня толькі чытаць, але і пашырыць інфармацыю, якая зьмяшчалася ў часопісу. Паводле сьпісу «Бурачок» раскладалі ў капэрты і разносілі па паштовых скрынях у Менску, або пасылалі па пошце ў іншыя гарады. Пасьля выхаду другога нумару КДБ пачаў адсочваць выдаўцоў і выклікаць іх на «прафіляктычныя гутаркі». Пад час распаўсюджваньня №3 быў затрыманы рабочы Яўген Івашкевіч. Увесь астатні наклад часопіса, які захоўваўся ў Доме літаратара, быў арыштаваны падчас ператрусу ў кабінэце літкансультанта Саюзу пісьменьнікаў Алеся Емяльянава.