Брыгіта Швэдзкая
Брыгіта Швэдзкая, або Біргіта (па-швэдзку: Birgitta Birgersdotter, каля 1303, Фінста, Швэцыя — 23 ліпеня 1373, Рым, Італія) — каталіцкая сьвятая, заснавальніца ордэну брыгітак, апякунка Эўропы.
| Брыгіта Швэдзкая | |
| Birgitta Birgersdotter | |
 Брыгіта Швэдзкая | |
| Сьвятая | |
|---|---|
| Нарадзілася | прыкладна 1303 Фінста, Швэцыя |
| Памерла | 23 ліпеня 1373 Рым, Італія |
| Шануецца | Каталіцкая царква |
| Кананізаваная | 7 кастрычніка 1391, у Рыме папам рымскім Баніфацыюсам IX |
| Дзень памяці | 23 ліпеня |
| Патрон | Швэцыі |
| Атрыбуты | апранутая ў абэдысу |
| birgitta.vadstena.se (швэд.) | |
Сям’я
рэдагавацьБрыгіта нарадзілася каля 1303 году ў арыстакратычнай швэдзкай сям’і, яе бацька, Біргер Пэтэрсан, быў кіраўніком адной з буйных і значных швэдзкіх абласьцей — Уплянду. У 13 гадоў яе выдалі замуж за высакароднага рыцара Ўльфа Гудмарсана, у сямейным жыцьці мела зь ім 8 дзяцей, адна з дачок Брыгіты была пазьней праслаўлена, як Сьвятая Катарына Вадстэнская. Яе сын Карл жыў пры двары каралевы Джаваны Неапалітанскай, якая прымусіла яго разьвесьціся з жонкай. Не пасьпеўшы абвянчацца з каралевай, Карл памёр, і ў яго сьмерці Брыгіта і яе сям’я лічыла павіннай каралеву.
Біяграфія
рэдагавацьНягледзячы на тое, што яе погляды фармаваліся ў арыстакратычным асяродзьдзі, Брыгіта зь юнацкіх гадоў аддавала перавагу духоўным каштоўнасьцям і мала клапацілася аб матэрыяльным, дапамагаючы бедным і хворым.
У 1344 годзе памёр муж Брыгіты, пасьля чаго яна пасялілася побач з цыстэрцыянскім кляштарам Альвастра.
Брыгіце былі відзежы. У адным з такіх відзежаў у 1346 годзе Брыгіта атрымала загад заснаваць новы манаскі ордэн. Кароль Швэцыі Магнус Эрыксан быў прыхільны да гэтай ідэі і вылучыў зямлю ў Вадстэне пад будучы кляштар ордэна. Аднак Папа Рымскі Клімэнт VI з Авіньёну адхіліў прашэньне Брыгіты.
У 1349 Брыгіта паехала ў Рым, дзе жыла да самай сьмерці, за вылікам рэгулярных пілігрымак. Яны набыла ў Рыме добрую славу сваім дабрачынным жыцьцём і сваёй міласэрнасьцю.
Кананізацыя
рэдагавацьУ 1391 годзе яна была кананізаваная Папам Баніфацыем IX. У 1999 годзе была абвешчана заступніцай Эўропы Папам Янам Паўлам II. Памяць Сьв. Брыгіты ў Каталіцкай царкве — 23 ліпеня.
Вонкавыя спасылкі
рэдагаваць- Сайт пра Сьв. Брыгіту (швэд.) (анг.)
- Каталіцкая энцыкляпэдыя (анг.)