Борнэ Сулінова
Борнэ Сулінова (па-польску: Borne Sulinowo, па-нямецку: Groß Born) — места ў Шчэцінецкім павеце Заходнепаморскага ваяводзтва Польшчы, сядзіба вяскова-мескай гміны Борнэ Сулінова. Насельніцтва на 2007 год — 4349 чалавек.
| Борнэ Сулінова | |||||
| польск. Borne Sulinowo | |||||
 Ратуша (былы штаб гарнізону) | |||||
| |||||
| Места з: | 1 кастрычніка 1993 | ||||
| Краіна: | Польшча | ||||
| Ваяводзтва: | Заходнепаморскае | ||||
| Павет: | Шчэцінецкі | ||||
| Гміна: | Борнэ Сулінова | ||||
| Плошча: | 18,15 км² | ||||
| Вышыня: | 142 м н. у. м. | ||||
| Насельніцтва (2007) | |||||
| колькасьць: | 4349 чал. | ||||
| шчыльнасьць: | 239,61 чал./км² | ||||
| Часавы пас: | UTC+1 | ||||
| летні час: | UTC+2 | ||||
| Тэлефонны код: | +48 94 | ||||
| Паштовы індэкс: | 78-449 | ||||
| TERYT: | 4324415044 | ||||
| Нумарны знак: | ZSZ | ||||
| Геаграфічныя каардынаты: | 53°34′35.80″ пн. ш. 16°32′2.22″ у. д. / 53.5766111° пн. ш. 16.53395° у. д.Каардынаты: 53°34′35.80″ пн. ш. 16°32′2.22″ у. д. / 53.5766111° пн. ш. 16.53395° у. д. | ||||
Борнэ Сулінова на мапе Польшчы   Борнэ Сулінова | |||||
 Галерэя здымкаў у Вікісховішчы
| |||||
| http://www.bornesulinowo.pl | |||||
У 1945—1992 у Борнэ Сулінова разьмяшчалася сакрэтная савецкая вайсковая база, і места адсутнічала на мапах.
Мінуўшчына
рэдагавацьДа XV стагодзьдзя гэтыя тэрыторыі насялялі памяране, з XVI стагодзьдзя зьявіліся нямецкія асаднікі. На месцы цяперашняга гораду знаходзілася вёска Ліндэ (бел. ліпа), у якой у 1590 року пражывалі 12 чалавек. Суседняя вёсачка Гросборн мела 14 жыхароў.
У канцы XIX стагодзьдзя землі былі выкупленыя прускім урадам дзеля вайсковых патрэбаў. У Першую сусьветную вайну ў Гросборне дзейнічаў зьнешні лягер для палонных лягеру ў Шнайдэмюлі.
У 1933 тэрыторыю выкупіў урад III Райху з мэтаю пабудовы вайсковае базы і стварэньня палігону. Большасьць мясцовых жыхароў былі пераселеныя, іхнія дамы разбураныя. У 1934—1937 збудаваны Паморскі вал. На месцы вёскі Ліндэ ў 1936 было скончанае будаўніцтва вайсковага мястэчка для артылерыйскай школы Вэрмахту, якое, аднак, назвалі ад суседняй вёскі Гросборнам (яна таксама была зруйнаваная). Афіцыйнае адкрыцьцё адбылося 18 жніўня 1938 з удзелам Адольфа Гітлера. Тут разьмясьціліся адзінкі танкавай дывізіі Гайнца Гудэрыяна.
У верасьні 1939 року з пачаткам вайны з Польшчай тут створаны лягер для ваеннапалонных, дзе загінулі больш за 30 000 чалавек. 1 чэрвеня 1940 ён пераўтвораны ў афіцэрскі лягер Грос-Борн. У лютым 1941 тут утрымлівалі 3731 француза, у студзені 1945 — 5391 паляка.
Пасьля адыходу немцаў мястэчка заняла Чырвоная армія. Замест нямецкага вайсковага гарадку была створаная адна з найбольшых базаў Паўночнай групы войскаў. Фармальна тэрыторыя па выніках Другой сусьветнай вайны была далучаная да Польшчы, аднак тут дзейнічала савецкая ўлада, і места было сьцёртае з усіх мапаў. Непадалёк ад Борнага Сулінова знаходзіўся адзін са складоў савецкай ядзернай зброі, прызначанай на выпадак вайны з Захадам.
12 кастрычніка 1992 апошнія аддзелы 6-й Віцебска-Ноўгарадзкай мэханізаванай дывізіі(ru) (на той час ужо расейскай) пакінулі Борнэ Сулінова, і ў красавіку 1993 яно было перададзенае польскім цывільным уладам. 1 кастрычніка па афіцыйным адкрыцьці мястэчку быў нададзены статус места. Сярод першых жыхароў былі й павяртанцы з Сыбіру і Казахстану, сасланыя туды за савецкім часам.
Турыстычная інфармацыя
рэдагавацьВялікую частку места займае моцна разбураны абшар, што мясцовыя жыхары выкарыстоўваюць, прывабліваючы турыстаў на «бяседу ў стылі СССР і ПНР». Асноўныя славутасьці зьвязаныя з вайсковым мінулым.
- Дом афіцэра (1934—1936)
- рэшткі вілы Гудэрыяна (1930-я).
Транспарт
рэдагавацьЗ 2013 дзейнічае шматфункцыянальны аэрадром.
Вонкавыя спасылкі
рэдагаваць- Места і гміна Борнэ Сулінова (пол.)
- Месцы, сьцёртыя з мапы (пол.)